راولپنڈی۔6اپریل (اے پی پی):پاک ءُ اوگانستان ءِ سیمسر ءَ 8 ناشرکار بیران ءُ 4 ٹپی بوتگ اَنت۔ پاک فوج ءِ انٹر سروسز پبلک ریلیشنزءِ رد ءَ ھال رسگ ءَ پد مئے فوجی اُرداں آھاں جوانیں رنگے ءَ رکینتگ ءُ اُرش ناکام کتگ۔ تیرگواری ءِ شدیدیں تبادلہ ءَ پد 8 ناشرکار بیران بوتگ ءُ 4 ناشرکار ٹپی بوتگ انت۔ پاکستان ءَ مدام لوٹ کتگ کہ اوگانستان ءِ عبوری حکومت سیم سر ءِ انتظام ءَ را موثر بہ کنت۔ امیت انت کہ اوگانستان ءِ عبوری حکومت وتی ذمہ واریاں پیلو بہ کنت ءُ وتی سرزمین ءَ چہ ناشرکار ءِ نیمگ ءَ پاکستان ءِ ھلاپ ءَ ناشرکاری کارانی واستہ کارمرز کنگ ءَ چہ بہ رکین ایت۔ اے دمگ ءَ دگہ ناشرکار ءِ ھلاسی ءِ واستہ کلیئرنس آپریشن برجاہ اِنت پرچا کہ پاکستان ءِ سیکورٹیفورسز ملک ءِ سیمسر آنی رکھینگ ءُ ناشرکاری ءِ ھلاسی ءِ واستہ جزم اَنت۔
