اسلام آباد۔6اپریل (اے پی پی):آزات جموں ءُ کشمیر ءِ مزن وزیر ءَ چہ آزاد کشمیر ءَ امن ءُ ایمنی ءِ رھبند گیش کارآمد بہ بیت، ایشی ءِ چیر دستی ءَ یک ھزار جوان ءُ 300 افسر راجمان ءِ رھبند ءُ رھبندانی رد ءَ بھرتی کنگ بنت۔ مزن وزیر ءَ راجی ھال رسانکی ادارگ اے پی پی ءَ گوں ھاسیں گپ ءُ تران ءِ تہ ءَ اے گپ ءِ پدرائی کت کہ رینجرز فورس ءِ سروکی آزات کشمیر ءِ بنجاہی افسر آناں سپرد کنگ بیت وھدیکہ ھچ غیر ریاستی مردم اے فورس ءِ بھر جوڑ کنگ نہ بیت۔ چوہدری انورالحق ءَ لھتیں نیمگ ءِ نیمگ ءَ ریاستی ادارگ آنی ھلاپ ءَ منفی پروپیگنڈا ءِ سک باز مذمت کتگ ءُ گوشت کہ اے وڑیں زھرناکیں ءُ بے بنیں بیانیہ چاگردی ھمگرنچی ءَ را تاوان دنت ءُ ایشی ءِ ذمہ واریں عناصر آنی ھلاپ ءَ قانونی کارروائی کنگ بیت۔ آئی ءَ گوشت کہ ناشرکاری ءِ بوت کنوکیں ھوپ آنی رد ءَ حکومت الس ءَ را ایمنی ءِ پجاری ءِ واستہ انسداد ناشرکاری ءِ محکمہ جوڑ کنگ ءِ گڈی سیم سر آنی تہ ءَ انت۔ آئی ءَ گوشت کہ استیں جاور آنی تہ ءَ اے گامگیج ناگزیر جوڑ بوتگ ھاس وھدے کہ پاکستان ءِ سلاہ بندیں اُرد ءَ امن ءِ برجائی ءِ واستہ مزنیں قربانی داتگ۔ اقتصادی مشکل آنی باوجود حکومت ءِ کارکردگی ءِ سر ءَ زور پر دیان ءَ مزن وزیر ءَ گوشت کہ 71ارب کلدار ءِ خسارہ ءِ باوجود ائید ءَ چہ پیسر سرکاری کارندہ آناں پگار دیگ ممکن بوتگ، بنجاہی ادارگ آناں فنڈز ریلیز کنگ بوتگ، بندیں منصوبگ آناں فعال کنگ بوتگ ءُیونیورسٹی آناں مالی کمک پجاری کنگ بوتگ۔ آئی ءَ گوشت کہ حکومت ءَ مالی دباؤ ءِ باوجود یکوئی ءِ کارکردگی ءِ درشان کتگ۔ مزن وزیرءَ گوشت کہ وانگ ئُُ زانگ ئُُ بنیاتی ڈھانچگ ءِ گہتریءِ تہ ءَ ھم پیشرفت بوھگ ءَ اِنت۔ آئی ءِ رد ءَ “آؤٹ آف اسکول چائلڈز” منصوبگ بنداتی تک ءَ انت وھدیکہ پاکستان ءِ مزن وزیر ءَ سئے ارب کلدار ءِ ڈینش اسکول منصوبگ ءِ منظوری داتگ۔ مظفر آباد ءَ وفاقی کمک ءِ گوما شنٹر ٹنل ءِ جوڑ کنگ ءِ کار ھم بندات کنگ بیت۔ مزن وزیر ءَ بینکنگ ءِ شوبگ ءَ گہتری ءِ واستہ کتگیں گامگیج آنی گپ ءَ کنان ءَ گوشت کہ 30جون ءَ چہ پیسر آزات جموں کشمیر بینک ءَ را شیڈولڈ بینک ءِ درجہ دیگ ءِ واستہ توامیں سرکاری ذمہ واری سرجم کنگ بوتگ اَنت وھدیکہ باقی انتظامی گامگیج بینک ءِ انتظامی ءِ سپرد کنگ بوتگ اَنت۔ انتظامی اصلاحات ءِ تہ ءَ مزن وزیر ءَ گوشت کہ بنجاہی حکومت ءِ نمائندگ آنی گوما گپ ءُ تران جوانیں رنگ ءَ سرجم کنگ بوتگ۔ بنجاہی حکومتی ادارگ آزات کشمیر ءِ آئین ءِ نظام ءِ یک ھاسیں بہر انت ءُ آہانی ھوار بوھگ ءَ ابید گورننس ءِ عمل سرجم بوت نہ کنت۔ آئی ءَ گوشت کہ اسمبلی ءِ باسک آناں دیمروئی فنڈز ءِ ریلیز کنگ ءِ جیڈھ آئینی رنگ ءَ عدالتی چینلیا کانود سازی ءِ وسیلگ ءَ گیشءُ گیوار کنگ بیت۔ مزن وزیر ءَ سیاسی وابستگی ءِ بنیاد ءَ بھرتی ءِ الزام رد کنان ءَ گوشت کہ درستیں تقرری باقاعدہ اشتہارءُ میرٹ ءِ چیر دستی ءَ کنگ بوتگ انت۔ ‘ریاستی رہائشی’ ءِ لوٹ ءَ ایوک ءَ لہتیں خاصیں جاوراں نرم کنگ بوتگ، چوش کہ دوریں دمگاں جان سلامتی ءِ آسراتی ءِ زوتیں رسگ ءِ ھاتر ءَ۔ البت رینجرز ءُ پولیس ءِ وڑیں حساسیں قوتانی تہا ہچ غیر ریاستی اداکار ہوار نہ بوتگ انت۔ آئی ءَ دمگ ءِ ایمنی ءِ جاور ھال آنی سر ءَ تبصرہ کنان ءَ بھارت ءِ سر ءَ پاکستان ءِ بے رھبند کنگ ءِ واستہ ناشرکاری ءِ نوکیں لہر ءِ دیم ءَ آرگ ءِ الزام جتگ۔ بھارتی انٹیلی جنس ایجنسی ‘را’ دژمنیں عناصر ءِ ھمکوپگی ءَ پاکستان ءُ آزاد کشمیر ءَ بے رھبندی پیداک کنگ ءِ جھد ءَ اِنت کہ ایشی ءِ آسر سک ھترناک بوت کن اَنت۔ پاک فوج ءِ کرد ءِ ھوالگ ءَ چست بوتگیں جُست رد کنان ءَ مزن وزیر ءَ گوشت کہ لائن آف کنٹرول ءِ رکھینگءُ آفت ءِ وھد ءَ الس ءِ ھذمت ءَ گوستگیں 77سال آنی تہ ءَ پاک فوج ءِ نیمگ ءَ کتگیں قربانی شموشگ نہ بنت۔ اے ادارہانی سرا بے بنیں الزام ہر وڑیں جاوراں نا منّگ بنت۔ انٹرویو ءِ گڈسرا مزن وزیر چوہدری انورالحاق ءَ گوں سدکی ءَ گوشت کہ ریاست ءِ ھست نہ بوھگ ءَ سیاست ممکن نہ اِنت۔ اگاں ما وتی شہیدانی قربانیانی مُز ءَ مدے مہ کنیں گڑا مئے آؤکیں پدریچ ایشی ءِ مُز ءَ ادا کن اَنت۔
