اسلام آباد۔6اپریل (اے پی پی):سینیٹ ءِ چیئرمین سیدیوسف رضا گیلانی ءَ گوں گند ءُ نند ءِ روچ ءَ تاشقند ءَ برجم داشتگیں بین پارلیمانییونین ءِ اسمبلی ءَ پاکستان ءُ روس ءِ سیادی ءِ گیش بوھوکیں اسٹریٹجک ارزشت ءُ دو نیمگیءُ دمگی کمک ءَ را مھکم کنگ ءِ تہ ءَ پارلیمانی سفارتکاری ءِ کرد ءِ سر ءَ زور پر دیگ بوتگ۔ یک شمبے ءِ روچ ءَ سینیٹ سیکرٹریٹ ءِ میڈیا ڈائریکٹوریٹ ءِ نیمگ ءَ جاڑی بوتگیں بیان ءِ رد ءَ سینیٹ ءِ چیئرمین ءَ دوئیں ملک آنی امن، ایمنیءُ جھان ءِ کار آنی تہ ءَ کثیر جہتی کمک ءِ سر ءَ زور پر دات۔ آہاں پاکستان ءُ روس ءِ نیام ءَ گیش بوھوکیں سیادی ءِ سر ءَ زور پر دات کہ آ یکے دومی ءِ احترام ءِ سر ءَ بندوک انت ءُ دفاع، تجارت، توانائیءُ شنگھائی کمکی گل ءِ وڑیں کثیر جہتی پلیٹ فارم آنی تہ ءَ گیشیں کمک ءِ نیمگ ءَ روگ ءَ انت۔ دوئیں رہشون آنی نیام ءَ پارلیمنٹ آنی نیام ءَ ادارگی سیادی آناں دیمروئی دیگ ءِ سر ءَ تپاک کنگ بوت، ایشی ءِ تہ ءَ ڈل آنی تبادلہ، پارلیمانی دوستی گل آنی زندگ کنگ ءُیکجائی چیلنج آناں گیواری ءِ واستہ برجاھیں گپ ءُ تران ھوار اَنت۔ سینیٹ ءِ چیئرمین سیدیوسف رضا گیلانی ءَ جاری دفاعی کمک ءِ ارزشت ءَ را من اِت ءُ دفاعی شوبگ ءَ کمک ءِ ارزشت ءَ را زور پر دات۔ دو نیمگی تجارت ءِ تہ ءَ جوانیں دیمروئی ءِ رد ءَ دوئیں رہشون آنی تہ ءَ توانائی، کشت ءُ کشاری، دوا ءُ درمان ءُ آئی ٹی ءِ شوبگ آنی تہ ءَ اقتصادی سیادی آنی تہ ءَ تنوع ءِ سر ءَ تران کت۔ چیئرمین سینیٹ ءَ دمگی فریم ورک ءِ چیر دستی ءَ بینکنگ چینل آنی جوڑ کنگ ءُ رابطہ کاری ءَ را گہتر کنگ ءِ سر ءَ زور پر دات۔ پاکستان ءَ دمگی استحکام ءِ دیمروئی ءِ واستہ روس ءِ کوشست آناں ساڑات ءُ موسمیاتی بدلی، فوڈ سیکیورٹیءُ منشیات ءِ ھلاپ ءَ گامگیج آنی رد ءَ وت مہ وتی کمک ءَ را گیش گیش کنگ ءِ واستہ وتی جزم ءِ درشان کت ءُ شنگھائی کمکی گل ءُ اقوام متحدہ ءِ وڑیں جھان ءِ فورم آنی تہ ءَ رابطہ ءَ را گیش کنگ ءِ واستہ وتی عزم ءِ درشان کت۔ سینیٹ ءِ چیئرمین ءَ اوگانستان ءَ دمگی امن ءِ واستہ پاکستان ءِ جزم ءِ سر ءَ زور پر دات ءُیک سرجمیں سیاسی گیواریءُ انسانی کمک ءِ ضلورت ءِ سر ءَ زور پر دات۔ آئی ءَ دمگ ءَ گپ ءُ تران ءُ استحکام ءِ دیمروئی ءِ تہ ءَ روس ءِ کرد ءِ توسیپ کت۔ سیدیوسف رضا گیلانی ءَ روس ءِ گوما یک جامع ءُ آیوکیں وھد ءِ ھاترا شریکداری ءِ واستہ پاکستان ءِ تیاری ءِ پدرائی کت ءُ آیوکیں پارلیمانی تبادلہ ءِ واستہ اسلام آباد ءَ آئی ءَ را وش آتک کنگ ءِ دعوت دات۔
