پشاور۔ 06 اپریل (اے پی پی):پاکستان مسلم لیگ خیبر پختونخوا ءَ شہباز شریف حکومت ءِ یک سال ءِ سوبمندیں سرجمیءُ مزن وزیر ءِ راجدپتری بجلی ءِ ریلیف پیکج ءِ شکر گزار ءِ روچ برجم داشتگ ات کہ ایشی ءَ چہ پاکستان ءِ درستیں صوبہ آنی تہ ءَ لاکھوں مردم آناں فائدگ رستگ ات۔ سیفران ءُ کشمیر ءُ گلگت بلتستان ءِ کارانی وفاقی وزیر انجینئر امیر مقام ءَ پشاور ءَ شکر گزار ءِ روچ ءَ لس مچی ءَ گوں تران کنان ءَ گوشت کہ وفاقی حکومت ءِ پالیشی الس ءِ سرا گردگ ءَ انت ءُ مزن وزیر شہباز ءِ نیمگ ءَ چہ راجدپتری بجلی ریلیف پیکج ءِ ستا کرتگ۔ آئی ءَ گوشت کہ اے ائید ءِ روچ ءَ پاکستانی اُلس ءَ را یک سوگات یے ۔ انجینئر امیر مقام ءَ گوشت کہ ملک ءَ دیمروئیءُ وشھالی ءِ راہ ءَ رھادگ بوتگ ءُ استیں حکومت ءِ سوبمندیں اقتصادیءُ مالیاتی پالیشی آنی سبب ءَ نرخ، مہنگائی،ءُ پالیسی ءِ شرح ءَ را مزنیں کساسے ءَ کمی اتکگ۔ انجینئر امیر مقام ءَ گوشت کہ پی ٹی آئی ءِ سرکار ءَ ملک ءَ را مزنیں درملکی وام ءِ تہ ءَ کشگ ءَ پد مسلم لیگ ن ءِ سروکی ءَ حکومت ءَ ملک ءَ را ممکنہ اقتصادی ڈیفالٹءُ دیوالیہ کاری ءَ چہ رکینتگ۔ آئی ایم ایف ءَ شہباز شریف حکومت ءِ اقتصادیءُ مالیاتی پالیسی آناں ھم ساڑاتگ، ایشی ءَ چہ محنت ءُ لگن ءِ برجائی ءَ ملک ءِ معیشت پدا برگ ءِ سر ءَ آؤرتگ۔ آئی ءَ گوشت کہ گوستگیںیک سال ءِ ساھت ءَ توامیں چاگردیءُ اقتصادی شوبگ آنی تہ ءَ مزنیں گہتری گندگ بوتگ ءُ مزن وزیر ءِ ورنا آناں بااختیار کنگ پروگرام ءِ چیر دستی ءَ ورنا آنی واستہ ھدف مندیں اسکیم بندات کنگ بوتگ۔ آئی ءَ گوشت کہ مزن وزیر ءِ رمضان ءِ ریلیف پیکج شفافیں رنگ ءَ بھر ءُ بانگ کنگ بوت ایشی ءَ چہ لاکھوں گریبءُ تنگدست آناں المی ئیں مالی کمک پجاری بوت۔ آئی ءَ گوشت کہ خیبر پختونخوا ءِ سر وزیر ءِ رمضان ریلیف پیکج ءَ چہ مستحق ءُ گریبیں مردم محروم بوتگ انت۔ تحریک انصاف ءِ بے ضلورتیں تجربتاں چہ خیبر پختونخوا ءَ جان سلامتی، وانگ ءُ زانگ ءُ انفراسٹرکچر ءِ شوبگ تباہ بوتگ انت۔ خیبر پختونخوا ءِ نا شریں حکومت داری، نزیکیں راج دوستی،ءُ کرپشن ءَ ہما مردمانی جیڑہ گیش کتگ کہ آ بدلی ءِ نام ءَ دُزّی کنگ بوتگ انت۔ نوں تحریک انصاف ءِ سروکی ءَ شگاف گندگ بوتگ انت ءُ آہاں خیبر پختونخوا ءَ یکے دومی ءِ سرا سنگینیں الزام جنگ بندات کتگ۔ انجینئر امیر مقام ءَ گشتگ کہ تحریک انصاف ءِ سیاست اڈیالہ جیل ءِ سرا گردگ ءَ انت تانکہ آئی ءِ بانی ءَ را ریلیف رس ایت۔ خیبر پختونخوا مئے صوبہ انت کہ ناشرکاری ءِ چیلنج ءَ گوں دیم پہ دیم انت۔ آئی ءَ لوٹ کتگ کہ تحریک انصاف سیاست ءَ را ناشرکاری ءَ چہ جتا بہ کنت ۔ خیبر پختونخوا ءِ دیمروئی ءِ واستہ امن المی اِنت، تحریک انصاف ءِ سرکار ناشرکاری ءِ ھلاسی ءِ سر ءَ دلگوشی بہ دنت کہ الس ءِ امن ءُ ایمنی ءِ واستہ ناگزیر اِنت۔ وفاقی وزیر ءَ گوشت کہ مسلم لیگ ن ءَ ریکارڈ دیمروئی منصوبگ سرجم کتگ اَنت ایشی ءِ تہ ءَ موٹروے ءِ نیٹ ورک ءِ جوڑ کنگ، ھزارہ ایکسپریس وے، لواری ٹنل چترال، پشاور ناردرن بائی پاس ءُ دگہ ھوار اَنت۔ آئی ءَ گوشت کہ پشاور ءَ مسلم لیگ ءِ مقبولیت گیش بوتگ، چہ اودا آئی ءَ خیبر پختونخوا اسمبلی ءَ سئے سیٹ گپتگ ءُ آیوکیں گچین کاری ءَ سوبمند بوھگ ءَ پد اے صوبہ ءِ جیڈھآناں گیشءُ گیوار کنت۔ خیبر پختونخوا ءِ الس تحریک انصاف ءِ سرکار ءِ نا شریں کارکردگی ءَ چہ دلپروش انت چیا کہ اے سرکار درستیں محاذاں ناکام بوتگ۔ انجینئر امیر مقام ءَ گوشت کہ مسلم لیگ ن ملک ءِ یک وڑیں دیمروئیءُ الس ءِ جیڈھ آناں وتی گس ءِ دپ ءَ گیشءُ گیوار کنگ ءِ سر ءَ دل یکیمییقین داریت۔ مسلم لیگ ن ءِ سرکار ءِ پالیسی مہلوک ءِ وشحالی ءُ ریلیف ءِ سرا گردگ ءَ انت۔ جلسہ ءِ تہا مہلوک ءَ مزن وزیر محمد شہباز شریف، مسلم لیگ ن ءِ صدر محمد نواز شریف ءُ انجینئر امیر مقام ءِ حق ءَ نعرہ چست کتگ۔ تاشقند ءَ برجم داشتگیں 150می بین پارلیمانییونین اسمبلی ءِ ساھت ءَ سینیٹ ءِ چیئرمین سیدیوسف رضا گیلانی ءُ آئی ءِ روسی ھمکار ویلنٹینا میٹوینکو ءِ نیام ءَ گند ءُ نند
