کوئٹہ۔ 04 اپریل (اے پی پی): بنجاھی وزیر بلوچستان میر سرفراز بگٹی ءَ جمعہ ءِ روچ ءَ جتا جتائیں صوبائی وزیر، پارلیمانی سیکرٹری ءُ صوبائی اسمبلی ءَ گوں جتا جتائیں گند ءُ نند کتگ، ایشی ءِ تہ ءَ صوبہ ءِ سیاسی جاور، دیمروئی منصوبگ، بجٹ ءِ عمل ءُ حکومتی اصلاحات ءِ سر ءَ ھیال ءُ لیکہ درشان کنگ بوتگ۔ گند ءُ نند کنوکیں مردمانی تہ ءَ صوبائی وزیر خزانہ میر شعیب نوشیروانی، صوبائی وزیر ترقیات ءُ منصوبہ بندی میر ظہور احمد بلیدی، صوبائی وزیر صحت بخت محمد کاکڑ، صوبائی وزیر تعلیم راحیلہ حمید خان درانی، پارلیمانی سیکرٹریز عبدالصمد گورگیج، حاجی محمد خان لہڑی، میر عبدالمجید بادینی، میر لیاقت علی لہڑی، حاجی ولی محمد نورزئی، سنجے کمار، اے این پی ءِ پارلیمانی لیڈر انجینئر زمرک خان اچکزئی، ملک نعیم خان بازئی، بلوچستان عوامی پارٹی ءِ باسک ءُ صوبائی اسمبلی محمد صادق سنجرانی ءُ پرنس آغا عمر خان احمد زئی ھوار اتنت۔ گند ءُ نند ءِ ساھت ءَ بلوچستان بلوچستان ءِ سر وزیر سرفراز بگٹی جاری دیمروئی منصوبگ، نوکیں انفراسٹرکچر منصوبگ ءُ السی گہبودی ءِ واستہ پیش کرتگیں اصلاحات آنی سر ءَ گپ ءُ تران کنت۔ اے موہ ءِ سر ءَ آئی ءَ اے گپ پدر کت کہ حکومت راجی جیڈھ آنی گیواری ءُ دیمروئی منصوبگ آناں وھد ءِ سر ءَ سرجم کنگ ءِ واستہ ھمک رنگ ءِ گامگیج کنگ ءَ انت۔ آئی ءَ سیادی داروکیں واکدار آناں ہدایت کت کہ آ راجی گہبود ءِ منصوبگاں زوتاں چہ زوت سرجم بہ کن اَنت ءُ بجٹ ءِ جوڑ کنگ ءِ وھد ءَ راجی ضلورت آناں ھیال ءَ بہ دار اَنت۔ بنجاھی وزیر سرفراز بگٹی ءَ وتی جزم ءِ درشان کت کہ بلوچستان ءَ پائیداریں دیمروئی ءُ وشھالی ءِ واستہ توامیں وسیلگ کارمرد کنگ بنت تانکہ الس ءَ را بنیاتی آسراتی پجاری کنگ بہ بیت ءُ صوبہ ءِ سرجمیں دیمروئی ءَ را آسراتی دیگ بہ بیت۔
