اسلام آباد۔4اپریل (اے پی پی): پارلیمانی کارانی بنجاھی وزیر ڈاکٹر طارق فضل چوہدری ءَ پیپلز پارٹی ءِ بانی ءُ پیسریگیں مزن وزیر شہید ذوالفقار علی بھٹو ءَ را یات کنان ءَ گوشت کہ ذوالفقار علی بھٹو ءِ جمہوریت ءُ راجی دیمروئی ءِ زرین راجدپتر ءِ تہ ءَ قربانی نبشتہ کنگ بنت۔ جمعہ ءِ روچ ءَ پیسریگیں مزن وزیر ءِ 46می بیرانی سالروچ ءِ درگت ءَ وتی کلوہ ءِ تہ ءَ آئی ءَ گوشت کہ شھید ذوالفقار علی بھٹو ءِ سروکی ءَ 1973ءِ منظور بوتگیں متفقہ آئین انگت ءَ جمہوری نظام ءِ مڈی انت۔ آئی ءَ راج ءَ را دزبندی کت کہ آ وتی حقانی واستہ توار چست بہ کن انت۔ آئی ءِ بے ترسیں سروکی ءُ سرکاری کار ءِ شوق مرچی ہم سیاسی رہشونانی ہاترا رژنائی ءِ چراگ انت۔ آئی ءَ گوشت کہ ذوالفقار علی بھٹو ءِ دری پالیسی ءَ چہ پاکستان ءَ را جھان ءِ پڑ ءَ یک وت واجہیں ملک ءِ رنگ ءَ پارش کتگ۔ راج ءِ سروک شہید بھٹو ءَ مظلومیں طبقہ آنی حق آنی پجارینگ ءِ واستہ عملی گامگیج چست کت۔ آئی ءَ دعا کت کہ اللہ تعالیٰ شہید ذوالفقار علی بھٹو ءِ عتباں برز بہ کنت۔ آمین۔
