اسلام آباد۔4اپریل (اے پی پی): مزن وزیر محمد شہباز شریف ءَ میانمار ءِ سفارتخانہ ءِ تر ءُ تاب کتگ ءُ وتی ھمدردی ءِ درشانی کتگ۔ میانمار ءَ ءُ اے مشکل ءِ ساھت ءَ ھرچ وڑیں کمک ءِ یقین دہانی کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ میانمار ءِ سفیر ءَ گوں گند ءُ نند کتگ ءُ زمین چنڈ ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشانی کتگ۔ گند ءُ نند ءِ ساھت ءَ وفاقی وزیر ءِ اھوالکاری ءُ شنگکاری عطا اللہ ترار ءُ ھاسیں کمکار طارق فاطمی ساڑی ات۔ اے موہ ءِ سر ءَ مزن وزیر ءَ گوشت کہ ما دعا کن ایں کہ میانمار ءَ گوستگیں زمین چنڈ ءِ سبب ءَ ٹپیگ آنی زوت جان سلامتی ءُ آماچیں کھول آناں وش ءُ وشحال کنگ بہ بیت۔ پاکستان ءِ سرکار ءَ ھاسیں بالی گراب ءِ وسیلگ ءَ 35 ٹن وردن ءُ وراک ءُ درمان ءُ اے دگہ کمکی سامانانی کھیپ روان داتگ ءُ لوٹ ءِ رد ءَ گیشیں سامان دیم دیگ بوھگ ءَ انت۔ پاکستان اے گرانیں وھد ءَ ھرچ وڑیں کمک ءِ واستہ تیار اِنت۔ میانمار ءِ سفیر ءَ مزن وزیر ءِ سفارت خانہ ءِ تر ءُ تاب ءُ پاکستان حکومت ءِ نیمگ ءَ چہ سرجمیں کمک ءِ سر ءَ منت واری ءِ درشان کت۔ میانمار ءِ سفیر ءَ گوشت کہ پاکستان ءُ میانمار دوستیں ملک اَنت، میانمار ءِ الس اے گرانیں وھد ءَ پاکستان ءِ کمک ءِ شگر ءُ منت وار اَنت۔
