اسلام آباد۔4اپریل (اے پی پی): مزن وزیر محمد شہباز شریف ءَ گوشت کہ رمضان ریلیف پیکج ءِ چیر دستی ءَ فنڈز سک باز ساپ ءُ سلہ ءُ آسانیں وسیلگ ءَ رس اَنت۔ آیوکیں ایکشن پلان ءِ جوڑ کنگ ءِ وھد ءَ رمضان ریلیف پیکج ءِ ساھت ءَ رستگیں شکایت آناں ھیال داری کنگ بہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی مزن وزیر ءِ رمضان ریلیف پیکج 2025 ءِ ھوالگ ءَ چار ءُ تپاسی ءِ دیوان ءِ سروکی ءَ کتگ۔ n چمبا، وفاقی وزیر اطلاعات ءُ نشریات عطا اللہ ترار، وفاقی وزیر انفارمیشن ٹیکنالوجی ءُ ٹیلی کمیونیکیشن شازہ فاطمہ، مزن وزیر ءِ ھاسیں کمکار ہارون اختر، گورنر اسٹیٹ بینک جمال احمد، سیادی داروکیں سرکاری افسر ءُ پکلی رمضان ءِ حمایت کنوکیں نجی کمپنیانی نمائندگ۔ مزن وزیر ءَ رمضان ریلیف پیکج ءِ واستہ کار کنوکیں حکومتی کور ءُ کمکی ادارگ آنی جوانیں کارکردگی ءَ را ساڑات۔ مزن وزیر ءَ گوشت کہ اولی رند ءَ رمضان ریلیف پیکج ءِ واستہ ڈیٹا والیٹ ءِ بندات کنگ بیت، ایشی ءِ وسیلگ ءَ فنڈز سکیں ساپ ءُ سلہ ءُ آسانیں رنگ ءَ بزگریں مردم آنی گور ءَ سر بنت۔ کلیں پاکستان ءِ واستہ رمضان پیکج ءِ جار جنگ ءَ ابید گلگت بلتستان ءُ آزات کشمیر ءَ ھوار کنگ بیت۔ اے پیکج ءَ را ساپ ءُ سلہ کنگ ءِ ھاتر ءَ ریاستی بینک، بی آئی ایس پی، پی ٹی اے، ناڈرا ءُ ایندگر کمکی ادارگ آنی کوشست ستا کرز انت۔ مزن وزیر ءَ گوشت کہ رمضان ریلیف پیکج ءِ ساھت ءَ رستگیں شکایت آناں آیوکیں ایکشن پلان جوڑ کنگ ءِ وھد ءَ ھیال داری کنگ بہ بیت، ءُ اے ماڈل ءَ را ایندگر حکومتی اسکیم آنی تہ ءَ ھم ھوار کنگ بہ بیت۔ دیوان ءَ رمضان ریلیف پیکج 2025 ءِ ھوالگ ءَ بریفنگ دیگ بوت۔بریفنگ ءَ اے گپ ھم سرپد کنگ بوت کہ رمضان ریلیف پیکج ءِ 79درسد فنڈز سکیں ساپ ءُ سلہ یں رنگ ءَ مردم آناں سر کنگ بوتگ۔ مزن وزیر ءِ رمضان ریلیف پیکج ءِ ھوالگ ءَ 2224کارندہ ڈیوٹی ءَ اتنت۔ رمضان ریلیف پیکج ءِ ھوالگ ءَ سرجم ءَ 1273 شکایت رستگ ات کہ آھانی گیواری ءِ واستہ زوت زورگ بوتگ ات۔ اے پیکج ءِ سرپدی ءِ ھوالگ ءَ بینک ءُ ایندگر کمکی ادارگ آنی نیمگ ءَ 6.2 ملین روبو کال کنگ بوتگ، 178,700 آؤٹ باؤنڈ کال کنگ بوتگ، وھدیکہ 6.1 ملین ایس ایم ایس روان دیگ بوتگ، نیشنل ٹیلی کمیونیکیشن ءِ کال سینٹر ءَ چہ 126,839 آؤٹ باؤنڈ کال کنگ بوتگ کنگ بوتگ، رمضان پیکج ءِ چیر دستی ءَ 1.9 ملین ڈیٹال پیمنٹ کنگ بوتگ ءُ 951191ڈیٹل پرس کارمرد کنگ بوتگ، اے ڈیٹال نیشنل پاکستان ءِ وژن ءِ سرجمی ءِ نیمگ ءَ یک ھاسیں گامگیج اِنت۔ 823653 زالبولاں ڈیٹال پرس کارمرز کتگ وھدے کہ 2541 ھاسیں مردماں ڈیٹال پرس ءِ وسیلگ ءَ زر رستگ۔ الیکٹرانک سیاہی، پرنٹ ءُ سوشل میڈیا ءِ وسیلگ ءَ رمضان پیکج ءِ یک سرجمیں سرپدی مہم ءِ بندات کنگ بوتگ۔
