اسلام آباد۔4اپریل (اے پی پی): مزن وزیر محمد شہباز شریف ءَ گوشت کہ پاکستان ءَ جمہوریت ءُ جمہوری قدر آنی دیمروئی ءِ واستہ ذوالفقار علی بھٹو ءِ ھزمت مدام یات کنگ بنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید ذوالفقار علی بھٹو ءِ 46می بیرانی ءِ سالروچ ءِ درگت ءَ آئی ءَ را یات کنان ءَ گوشت کہ ذوالفقار علی بھٹو پاکستان ءَ جمہوری قدر آنی چیمپئن بوتگ۔ پاکستان ءَ جمہوریت ءُ جمہوری اقدار ءِ دیمروئی ءِ ھاتر ءَ آئی ءِ ھزمت مدام یات کنگ بنت۔ آئی ءَ گوشت کہ ذوالفقار علی بھٹو ءِ حکومت ءِ وھد ءَ پاکستان ءَ را 1973ءِ تپاکی ءَ گوں منوگری رستگ، ذوالفقار علی بھٹو ءَ مسلم امت ءِ یکوئی ءِ واستہ ھاسیں کرد پیلو کتگ۔
