اسلام آباد۔3اپریل (اے پی پی): مزن وزیر محمد شہباز شریف ءَ مہنگائی ءِ شرح ءِ تہ ءَ گیش کمی ءِ سر ءَ وشی ءِ درشانی کنان ءَ گوشت کہ اے سال ءِ رمضان ءِ ماہ ءِ تہ ءَ مہنگائی ءِ تہ ءَ ریکارڈ ءِ تہ ءَ کمی بوتگ۔ افراط زر ءِ تہ ءَ ھاسیں کمی حکومتی پالیشی آنی راستیں رھشونی ءُ الس ءِ وشھالی ءِ واستہ حکومت ءِ بے مٹیں کار ءِ ثبوت اِنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ مارچ 2025 ءَ مہنگائی ءِ شرح 0.7درسد ریکارڈ کنگ بوتگ، گوستگیں سال ءِ ھمے ماہ ءَ 20.7درسد بوتگ۔ آئی ءَ گوشت کہ اے وھد ءَ ملک ءَ مہنگائی ءِ شرح 6 دہائی ءَ چہ کم ترین تک ءَ انت۔ اے سال ءَ رمضان ءِ ماہ ءَ ھم گوستگیں بازیں دہائی آنی تہ ءَ افراط زر ءِ شرح کم ترین کچ ءَ ریکارڈ کنگ بوتگ۔ افراط زر ءِ تہ ءَ ھاسیں کمی حکومتی پالیشی آنی راستیں رھشونی ءُ الس ءِ وشھالی ءِ واستہ حکومت ءِ بے مٹیں کار ءِ ثبوت اِنت۔ مہنگائی ءِ شرح ءِ تہ ءَ کمی ءَ را عام مردم ءِ زندمان ءِ سر ءَ ھم جوانیں اثرات بوھگ ءَ انت۔ افراط زر ءِ کمی ءَ چہ ملک ءِ معیشت ءِ سر ءَ کم کم ءَ جوانیں اثرات کپگ ءَ انت۔ مزن وزیر ءَ گوشت کہ ملک ءَ دیمروئی ئِ کشک ءَ رھادگ بوتگ، ئُُ حکومت الس ئِ گہبودی ئِ واستہ شپ روچ کار کنگ ءَ اِنت۔
