لاہور ۔2اپریل (اے پی پی):مزن وزیر شہباز شریف ءَ ائید ءِ موہ ءَ جاتی امرا رائیونڈءِ تر ءُ تاب کتگ ءُ وتی مستریں برات مسلم لیگ ن ءِ صدر نواز شریف ءَ گوں گند ءُ نند کتگ۔ پنجاب ءِ سر وزیر مریم نواز شریف ءَ مزن وزیر ءِ آیگ ءَ پد آئی ءَ را گہتری ءَ وش آتک کت ءُ ائید ءِ وشیاں ھاندان ءَ گوں ھوار بوت۔ اے موہ ءِ سر ءَ پنجاب ءِ پیسریگیں سر وزیر حمزہ شہباز، کیپٹن (ریٹائرڈ) صفدار، سلیمان شہباز ءُ کھول ءِ اے دگہ مردم ھم ساڑی اتنت۔ ایشی ءَ چہ پیسر مزن وزیر شہباز شریف ءَ وتی مات ءُ پت، برات ءُ زھگ ءِ مات بیگم کلثوم نواز ءِ قبر آنی سر ءَ تر ءُ تاب کتگ ءُ فاتحہ پیش کتگ۔ آئی ءَ پاکستان ءِ ایمنی، مھکم ءُ وشھالی ءِ واستہ ھم دعا کت ءُ راج ءِ واستہ یکوئی ءُ دیمروئی ءِ ارزشت ءِ سر ءَ زور پر دات۔
