لاہور ۔2اپریل (اے پی پی):مزن وزیر محمد شہباز شریف ءَ گوں متحدہ عرب امارات ءِ صدر ءُ ابوظہبی ءِ حاکم شیخ محمد بن زاید النحیان ءِ روچ ءَ ٹیلی فون ءِ سر ءَ گپ ءُ تران کتگ۔ آئی ءَ امارات ءِ صدر، اماراتی شاہی خاندان ءِ ھواری ءَ امارات ءِ براتیں اُلس ءَ را ائید ءِ مبارکی دات ءُ آوانی برجاھیں وشھالی، امن ءُ دیمروئی ءِ واستہ دعا کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوستگیں ماہ ءَ ابوظہبی ءَ امارات ءِ صدر ءِ گوما گند ءُ نند ءِ یات ءَ کت ءُ استیں پاکستان ءُ اماراتی سیادی آناں یک نپ ءُ سیت ءِ اقتصادی شریکداری ءِ تہ ءَ بدل کنگ ءِ وتی مھکمیں عزم ءِ سر ءَ پدا زور دات۔ آئی ئَ پاکستان ئِ واستہ مزنیں وھد ئَ چہ کمک کنگ ئِ پد ئَ امارات ئِ منت گپت۔متحدہ عرب امارات ءِ صدر ءَ ھم ائید ءِ دل ءَ گہتری ءَ مبارک بات دات ءُ پاکستان ءِ الس ءَ را نیکیں واھشت آنی درشان کت۔ آئی ءَ پاکستان ءِ اقتصادی ءُ دیمروئی ءِ گامگیج آنی واستہ امارات ءِ بے دروریں کمک ءِ یک رندے پدا گوشت ءُ جتاجتائیں شوبگ آنی تہ ءَ برجمیں کمک ءِ ارزشت ءِ سر ءَ زور پر دات۔
