اسلام آباد۔2اپریل (اے پی پی):وفاقی وزیر ءِ ھال ءُ اھوال عطا اللہ تارڑ ءَ گْوشتگ کہ کٹلانگ ءِ آپریشن ءَ 17 درملکی مردم بیران بوتگ اَنت، اوکے کارروائی۔ سوشل نیٹ ورکنگ پلیٹ فارم ”ایکس“ ءِ سر ءَ وتی پوسٹ ءِ تہ ءَ آئی ءَ گْوشتگ کہ نزیکیں آبادی آپریشن ءِ جاہ ءَ چہ 6 ءَ بگر داں 9 کلومیٹر دور اَنت، اودا سول ھاوس نیست اَنت۔ آئی ءَ گوشت کہ دمگی جرگہ ءَ لھتے مردماں دری مردماں آسراتی پجارینگ ءِ دل یکیمی داتگ ات، ایشی ءِ ویڈیو ھم دست کپگ ءَ انت۔ دری مردماں ائید ءِ روچ ءَ مردان ءِ سر ءَ اُرش ءِ جار جتگ ات کہ ھمے آپریشن ءِ سبب ءَ بے سوب بوتگ ۔ آئی ءَ گوشت کہ پی ٹی آئی ءِ سرکار ءَ ھچبر خیبر پختونخوا ءَ ھزاراں اُرش کنوکیں مردمانی مذمت نہ کتگ بلے وھدے درملکی مردماں وتی سر ءَ ڈرون اُرش آنی بابت ءَ دروگیں ھال شنگ کتگ گڑا پی ٹی آئی ءَ پاکستانی لشکر ءِ ھلاپ ءَ بیانیہ زرتگ ءُ آھانی وش کنگ ءِ واستہ دست دراج کتگ۔ دروگیں ھال شنگ کنوک دری مردم آنی آسراتی کنوک اَنت۔
