لاہور ۔2اپریل (اے پی پی):مزن وزیر محمد شہباز شریف ءَ ترکمانستان ءِ صدر سرز بردیمحمدو ءَ گوں ٹیلی فون ءِ وسیلگ ءَ رابطہ کتگ ءُ آئی ءَ را مبارک بات داتگ۔ آئی ءَ ترکمانستان ءِ راجی رھشون ءُ راجی کونسل ءِ چیئرمین (ھالک مصلحتے) گوربنگولی بردیمحمدو ءَ را ھم ائید ءِ مبارکی دات۔ دوئیں ملک آنی نیام ءَ گرم ءُ دوستی ءِ سیادی آنی سر ءَ دل یکیمی ءِ درشان کنان ءَ مزن وزیر ءَ گوشت کہ دو نیمگی سیادی آنی تہ ءَ جوانیں پیشرفت ءِ گندگ دلبڈی اِنت۔ اے رپک ءِ برجائی ءِ واستہ مزن وزیر ءَ مزن تک ءِ تبادلہ ءِ برجاہ دارگ ءِ ضلورت ءِ سر ءَ زور پر دات۔ اے درگت ءَ آئی ءَ گوستگیں سال ءِ اکتوبر ءَ صدر آصف علی زرداری ءِ اشک آباد ءِ تر ءُ تاب ءِ ذکر کتگ ءُ گشتگ کہ پاکستان گوستگیں سال ءَ ترکمانستان ءِ راجی رہشون ءِ پاکستان ءِ تر ءُ تاب ءِ میزبانی ءِ ودار ءَ بوتگ بلے لہتیں سبب ءَ اے تر ءُ تاب ممکن نہ بوتگ۔ مزن وزیر ءَ ترکمانستان ءِ صدر ءُ ترکمانستان ءِ راجی سروک ءَ را پاکستان ءِ زوتیں سرکاری تر ءُ تاب ءِ دعوت ءِ یک رندے پدا گوشت۔
