لاہور ۔2اپریل (اے پی پی):مزن وزیر محمد شہباز شریف ءَ گوں کزاکستان ءِ صدر کسیم جومر ءَ ٹیلی فون ءِ سر ءَ گپ ءُ تران کت۔ دوئیں بامرد آں کشت ءُ کشاری، معیشت، تجارت، سرمایہ کاری، آئی ٹی ءُ کمیونیکیشن ءِ شوبگ آنی تہ ءَ کمک ءَ را گیش مھکم کنگ ءِ سر ءَ تران کت۔ مزن وزیر ءَ آئی ءَ را ءُ قازقستان ءِ الس ءَ را کسانیں ائید ءِ مبارک بات دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیمگ ءَ ٹیلی فون ءِ سر ءَ گپ ءُ تران ءِ ساھت ءَ دو نیمگی سیادی آنی استیں جاور ھال آنی سر ءَ چار ءُ تپاسی کنگ بوت، آیوکیں وھد ءِ ھواریں کار ءُ وت مہ وتی دلچسپی ءِ جیڈھ آنی سر ءَ تران کت۔ دو نیمگی سیادی ءِ جوانیں پیشرفت ءِ سر ءَ دل یکیمی ءِ درشان کنان ءَ دوئیں بامرد آں کشت ءُ کشاری، معیشت، تجارت، سرمایہ کاری، آئی ٹی ءُ کمیونیکیشن ءِ شوبگ آنی تہ ءَ کمک ءَ را گیش مھکم کنگ ءِ سر ءَ تران کت۔ ایشاں پاکستان ءُ قازقستان ءِ نیام ءَ جتا جتائیں شوبگ آنی تہ ءَ کمک ءِ تہ ءَ جوانیں پیشرفت ءِ ھم ساڑات۔ دوئیں رہشوناں پاکستان ءُ قازقستان ءِ نیام ءَ گیشاں چہ گیش کمک ءَ را وتی سرجمیں گنجائش ءِ رد ءَ کنگ ءِ جزم ءِ درشان کت۔ مئی ءَ قازقستان ءِ مزن تک ءِ ڈل ءِ پاکستان ءِ تر ءُ تاب ءِ سر ءَ دلگوش کنان ءَ مزن وزیر شہباز شریف ءَ گوشت کہ آ اے سال ءِ گڈ ءَ قزاقستان ءِ صدر ءِ پاکستان ءِ تر ءُ تاب ءِ ھم ودار ءَ اِنت ءُ امیت ءِ درشان کت کہ اے وڑیں تبادلہ دوئیں ملک آنی نیام ءَ دو نیمگی کمک ءَ را گیش مھکم کنگ ءَ کمک رسیت۔
