لاہور۔2اپریل (اے پی پی):مزن وزیر محمد شہباز شریف ءَ بحرین ءِ بادشاہ ءَ گوں ٹیلی فون ءِ گپ ءُ تران ءِ ساھت ءَ ائید الفطر ءِ سلام دات۔ مزن وزیر کارگس ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ بحرین ءِ بادشاہ حمد بن عیسیٰ الخلیفہ ءَ را ٹیلی فون کتگ ءُ آئی ءَ را کسانیں ائید ءِ وشیں موہ ءِ سر ءَ مبارکی داتگ۔ دوئیں ملک آنی نیام ءَ براتی سیادی آناں پدر کنان ءَ مزن وزیر محمد شہباز شریف ءَ پاکستان ءِ واھشت ءِ درشان کت کہ آ بحرین ءِ گوما وت مہ وتی مفاد ءِ درستیں پڑ آنی تہ ءَ نزیکیں ءُ دوستی ءِ سیادی ءَ را گیش دیمروئی بہ دنت۔ مزن وزیر ءَ بحرین ءَ پاکستانی کمیونٹی ءِ میزبانی کنگ ءِ پد ءَ بحرین ءِ بادشاہ ءِ شگر ءُ منت گپت ءُ پاکستان ءُ بحرین ءِ گہبودی ءِ تہ ءَ بحرین ءَ پاکستانی کمیونٹی ءِ کلیدی کرد ءَ را زور پر دات۔ شاہ حمد بن عیسیٰ الخلیفہ ءَ مزن وزیر ءِ ائید ءِ مبارکی آنی سر ءَ گرمیں رنگ ءَ پسو دات ءُ پاکستان ءِ اُلس ءَ را وتی نیکیں واھگ آنی درشان کت۔ مزن وزیر ءَ بحرین ءِ بادشاہ ءَ را پاکستان ءِ سرکاری تر ءُ تاب ءِ دعوت ءِ ھم یک رندے پدا گوشت۔
