اسلام آباد۔2اپریل (اے پی پی):مزن وزیر محمد شہباز شریف ءَ تباہ کنوکیں مائیمرکے ءِ گوش ءِ سر ءَ دلپدردی ءُ رنج ءِ درشانی کت۔ میانمار ءِ مزنیں سروکی سینئر جنرل من آنگ ہلائنگ، چیئرمین اسٹیٹ ایڈمنسٹریشن کونسل ءُ میانمار ءِ مزن وزیر ءِ گوما ٹیلی فون ءِ وسیلگ ءَ گپ ءُ تران کنان ءَ آئی ءَ پاکستانی راج ءُ حکومت ءِ نیمگ ءَ چہ گران بھائیں جان ءُ مال ءِ تاوان ءِ درشانی کتگ کہ مارچ2020 ءِ تباہ کنوکیں زمین ءِ سرا بوتگ۔ بیان ءِ تہ ءَ مزن وزیر ءِ کارگس ءِ میڈیا ونگ ءِ نیمگ ءَ دوشمبے ءِ روچ ءَ کسانیں ائید ءِ موہ ءَ ٹیلی فون ءِ سر ءَ گپ ءُ تران ءِ ساھت ءَ مزن وزیر محمد شہباز شریف ءَ میانمار ءِ مزن وزیر ءَ را دل یکیمی داتگ کہ پاکستان لس مھلوک ءِ تکلیف آناں کم کنگ ءِ واستہ ھرچ وڑیں کمک ءِ واستہ تیار اِنت۔ مزن وزیر ءَ میانمار ءِ مزن وزیر ءَ را گوشت کہ آئی ءِ ہدایت ءِ رد ءَ نیشنل ڈیزاسٹر مینجمنٹ اتھارٹی میانمار ءَ نزیک ءَ 70ٹن ءِ کمکی سامان روان دنت ءُ آیوکیں 48کلاک آنی تہ ءَ زمین چنڈ ءَ چہ آماچیں مردم آناں کمکی سامان آنی دو کھیپ سر بیت۔ مزن وزیر ءَ میانمار ءِ اُلس ءِ بہادری ءُ برداشت ءِ سر ءَ دل یکیمی ءِ درشان کت ءُ امیت کت کہ آ زوت اے قدرتی آفت ءَ چہ رکگ ءَ انت۔ میانمار ءِ مزن وزیر ءَ مزن وزیر محمد شہباز شریف ءُ پاکستان ءِ الس ءِ مہربانی ءِ ساڑات ءُ اے مشکل ءِ ساھت ءَ میانمار ءِ الس ءِ ھمراھی ءَ اوشتگ ءِ سر ءَ ھم منت واری ءِ درشان کت۔
