اسلام آباد۔31مارچ (اے پی پی):وفاقی وزیر اطلاعات عطا اللہ تارڑ ءَ پاکستان ءَ ھوار سرجمیں دگنیا ءِ مسلمان آناں ائید الفطر ءِ مبارک بات دیگ ءِ وھد ءَ گوشت کہ رمضان ءِ برکت ءُ قربانی آنی پد ءَ شیرکنیں ائید اللہ تعالیٰ ءِ نیمگ ءَ چہ یک انعامے ۔ دوشمبے ءِ روچ ءَ ائید الفطر ءِ موہ ءَ وتی کلوہ ءِ تہ ءَ وفاقی وزیر ءِ اھوالکاری ءَ گوشت کہ ائید الفطر ءِ اے وشیں موہ مارا قربانی، مھر ءُ براتی ءِ سبق ءَ وانین ایت، ایشی ءِ ھمراھی ءَ یک دومی ءِ غم آنی تہ ءَ بھر زوری ءِ پیغام ھم وانین ایت۔ آئی ءَ گوشت کہ ائید ءِ وشی ءَ ھما مردماں یات بہ کن اِت کہ یک ءُ دومی سبب ءَ تکلیف ءِ آماچ اَنت۔ اے نیکیں موہ ءِ سر ءَ ما مظلومیں کشمیری ءُ فلسطینی برات ءُ گھاراں ھچبر شموشت نہ کن ایں ۔ ما کشمیری ءُ فلسطینی آں اخلاقی ءُ سفارتی کمک ءَ برجاہ داراں ۔ وفاقی وزیر اطلاعات ءَ گوشت کہ کسانیں ائید مارا براتی، مھر ءُ یکوئی ءِ سبق ءَ دنت۔ آئی ءَ گوشت کہ بیا اِت ما درست اے موہ ءَ چہ وتی جزم ءِ پدا پدر کنگ ءَ بہ کن ایں کہ ما پاکستان ءِ دیمروئی، وشھالی ءُ برجائی ءِ واستہ یکجائی ءُ وتی کرد ءَ پیلو کن ایں ۔
