اسلام آباد/نواب شاہ۔2اپریل (اے پی پی):صدر آصف علی زرداری ءَ زرداری گس نواب شاہ ءَ ائید ءِ نماز وانگ ءَ انت ءُ ملک ءِ ایمنی ، وشھالی ءُ دیمروئی ءِ واستہ دعا کتگ ۔ ایوان صدر پریس ونگ ءِ نیمگ ءَ جاڑی بوتگیں بیان ءِ رد ءَ زرداری گس نواب شاہ ءَ صدر آصف علی زرداری ءِ گوما مزنیں کساسے ءَ مردماں کسانیں ائید ءِ نماز ونت۔ ائید ءِ نماز ءَ سیاسی، چاگردی ءُ پاکستان پیپلز پارٹی ءِ کارکناں ھم بہر زرتگ۔ صدر ءِ مملکت ءَ ائید ءِ نماز ءِ وانگ ءَ پد الس ءَ گوں گند ءُ نند کت ءُ ائید ءِ سلام ءُ دروت کت۔ اے موہ ءِ سر ءَ راجی اسمبلی ءِ ڈپٹی اسپیکر سید غلام مصطفیٰ شاہ، صوبائی وزیر علی حسن زرداری، ضیاء الحسن لنجار ءُ اے دگہ سروک ھم ساڑی اتنت۔
