اسلام آباد۔1اپریل (اے پی پی):پاکستان ءَ میاں اوستمانی بحران ءِ وھد ءَ کمک ءِ وتی عزم ءِ رد ءَ میانمار ءَ گوستگیں زمین چنڈ ءَ چہ آماچیں مردمانی واستہ 70ٹن کمکی سامان روان داتگ۔ سئے شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ پارلیمانی کارانی وزیر طارق فضل چوہدری ءَ 35ٹن کارگو ءِ سواریں اولی بالی گراب ءِ پرچم چست کتگ۔ ایشی ءَ چہ پیسر مزن وزیر شہباز شریف ءَ میانمار ءِ ھمکار ءِ گوما گپ ءُ تران کنان ءَ میانمار ءِ الس ءَ گوں یکوئی ءِ درشان کتگ ءُ زمین چنڈ ءَ آماچیں مردم آناں ھمک رنگ ءِ کمک ءِ دل یکیمی کتگ۔
