اسلام آباد۔1اپریل (اے پی پی): بنجاھی وزیر ڈاکٹر طارق فضل چوہدری ءَ میڈیا ءَ گوں تران کنان ءَ گوشت کہ مزن وزیر ءِ پنت ءُ شون ءِ رد ءَ زمین چنڈ ءَ آماچیں مردمانی واستہ سرجم ءَ 70ٹن کمکی سامان میانمار ءَ روان دیگ بوھگ ءَ انت۔ آئی ءَ اے ھیالانی درشانی پاکستان ءِ مزن وزیر ءِ پنت ءُ شون ءِ رد ءَ این ڈی ایم اے ءِ نیمگ ءَ چہ میانمار ءَ زمین چنڈ ءَ آماچیں مردم آناں کمکی سامان بھر ءُ بانگ ءِ عمل ءِ بندات کنگ ءُ کمکی سامان آنی روگ ءِ مراگش ءِ موہ ءَ میڈیا ءَ گوں تران کنان ءَ کت۔ نیشنل ڈیزاسٹر مینجمنٹ اتھارٹی ءِ جارکش ءِ نیمگ ءَ چہ جاڑی بوتگیں بیان ءِ رد ءَ مراگش ءَ پارلیمانی کارانی بنجاھی وزیر ڈاکٹر طارق فضل چوہدری، این ڈی ایم اے ءِ کارندہ، وزارت ءِ درئی کار ءُ میانمار ءِ سفیر ءَ بھر زوری کتگ۔ بنجاھی وزیر ڈاکٹر طارق فضل چوہدری ءَ میڈیا ءَ گوں تران کنان ءَ گوشت کہ مزن وزیر ءِ پنت ءُ شون ءِ رد ءَ زمین چنڈ ءَ آماچیں مردم آنی واستہ سرجم ءَ 70ٹن کمکی سامان میانمار ءَ روان دیگ بوھگ ءَ انت۔ مزن وزیر ءُ پاکستان ءِ حکومت اے گرانیں وھد ءَ میانمار ءِ الس ءِ ھمراھی ءَ اوشتاتگ انت۔ بنجاھی وزیر ڈاکٹر طارق فضل ءَ میڈیا ءَ گوں تران کنان ءَ مزن وزیر شہباز شریف ءِ نیمگ ءَ چہ میانمار ءِ الس ءَ را ھمدردی ءِ ھاسیں پیغام ھم سر کت۔ پاکستان ءِ نیمگ ءَ چہ امدادی سامان آنی اولی بھر ءَ 35 ٹن امدادی سامان ھوار اَنت کہ ایشی ءِ تہ ءَ خیمہ، ترپال، کمبل، تیاریں ورگ، دوائی ءُ آپ ءِ ماڈیول ھوار اَنت۔ کمکی بالیگ میانمار ءِ شہر یانگون ءَ سر بیت۔ بنجاھی وزیر ءَ مزن وزیر ءِ پنت ءُ شون ءِ رد ءَ ترندیں امدادی سامان آنی پجاری ءِ تہ ءَ این ڈی ایم اے ءِ کوشست آناں ساڑات۔ میانمار ءِ سفیر ءَ کمکی کار آنی پد ءَ پاکستان ءِ حکومت ءُ پاکستان ءِ الس ءِ شگر ءُ منت گپت۔ مرچی 35ٹن امدادی سامان ءِ اولی شپمنٹ روان دیگ بوھگ ءَ انت وھدیکہ دگہ 35 ٹن ءِ دومی شپمنٹ زوت روان دیگ بیت۔
