اسلام آباد۔1اپریل (اے پی پی):تہی کارانی وزیر طلال چوہدری ءَ لندن ءَ برجم داشتگیں سیم سر ءِ سلامتی ءِ سروکیں دیوان 2025 ءَ بھر زرتگ ءُ برطانیہ ءِ تہی کارانی وزیر یوٹی ڈی فارٹ ایکریا ءَ گوں ھم گند ءُ نند کتگ۔ سینیٹر طلال چوہدری ءَ جرمنی، اسپین، آسٹریا ءُ پولینڈ ءِ تہی کارانی وزیر آنی گوما سیم سر ءِ ایمنی ءُ میاں اوستمانی کمک ءِ سر ءَ دلگوشی دیگ ءِ سر ءَ ھم گپ ءُ تران کت۔ برطانوی حکام ءِ گوما گپ ءُ تران ءِ ساھت ءَ طلال چوہدری ءَ غیر قانونی امیگریشن ءِ گر ءُ دار ءُ ہجرت ءِ واستہ قانونی راہ آنی دیمروئی ءِ ضلورت ءِ سر ءَ زور پر دات۔ آئی ءَ امیگریشن چیلنج آنی گیواری ءِ واستہ برطانیہ ءِ حکومت ءِ کوشست آناں ساڑات ءُ اے رد ءَ پاکستان ءِ کمک ءَ را مھکم کنگ ءِ واستہ جزم ءِ درشان کت۔ برطانیہ ءِ ڈپٹی سیکرٹری درئی کار ہمیش فالکنر ءَ پاکستان ءِ تہی کارانی وزیر محسن نقوی ءِ گوما گوستگیں گند ءُ نند ءِ جوانیں آسر آناں من اِت ءُ ایمنی ءِ جیڈھ آنی سر ءَ دو نیمگی کمک ءِ تہ ءَ گہتری ءِ سر ءَ زور پر دات۔ طلال چوہدری ءَ سیم سر ءِ ایمنی، ناشرکاری ءِ ھلاپ ءَ جنگ ءُ انسانی قاچاق ءِ ھوالگ ءَ یکجائی حکمت عملی ءِ ارزشت ءِ سر ءَ زور پر دات ءُ گوشت کہ ایمن، کانودی ءُ منظمیں ہجرت ءِ دل یکیمی کنگ ءِ واستہ یکجائی گامگیج المی اِنت۔ آئی ءَ ناجائزیں امیگریشن ءُ سیم سر ءَ چہ دریں جرم ءِ ھلاپ ءَ جنگ ءِ واستہ جھان ءِ کمک ءِ ھوالگ ءَ پاکستان ءِ موقف ءِ سر ءَ زور پر دات ءُ اے گپ ءِ سر ءَ زور پر دات کہ ناجائزیں امیگریشن، ناشرکاری ءُ انسانی قاچاق ءِ وڑیں چیلنج آنی گیواری ءِ واستہ یک جامع ءُ دراجیں مدتی رپک ءِ المی اِنت۔ آئی ءَ گوشت کہ مزن وزیر ءُ تہی کارانی وزیر ءِ ہدایت ءِ رد ءَ پاکستان ناجائزیں امیگریشن ءَ گوں گر ءُ دار، سیم سر آنی ایمنی ءَ را گیش کنگ ءُ منظم جرم آنی ھلاسی ءِ واستہ گلوبل تک ءَ سرگرمیں رنگ ءَ کار کنگ ءَ انت۔ آئی ءَ اے گپ ھم پدر کت کہ پاکستان ءَ بارڈر سیکورٹی سروک دیوان ءَ بھر زرتگ 2025 ءَ ھاسیں تجویز پیش کتگ، ایشی ءَ چہ میاں اوستمانی سیکورٹی ءُ ہجرت ءِ بندوبست ءِ واستہ وتی عزم ءِ درشانی کنگ بوتگ۔
