اسلام آباد۔1اپریل (اے پی پی):وفاقی وزیر دفاع خواجہ محمد آصف ءَ راجی سلامتی ءِ مھکم کنگ، السی کمک ءَ را اولیت دیگ ءُ ناشرکاری ءِ ھلاپ ءَ کوشست آناں گیش کنگ ءِ واستہ بے مٹیں جزم ءِ درشان کتگ۔ وفاقی وزیر ءَ سئے شمبے ءِ روچ ءَ یک انٹرویو ءِ تہ ءَ گوشت کہ ناشرکاری ءِ ھلاپ ءَ پاکستان ءِ سلاہ بندیں اُرد آنی تہ ءَ اصلاحات کنگ بوتگ ءُ زوت بلوچستان ءَ ناشرکاری ءِ ھلاپ ءَ آپریشن سوبمندیں رنگ ءَ کن اَنت۔ یک جستے ءِ پسو ءَ خواجہ محمد آصف ءَ گشتگ کہ بلوچستان ءِ مڈّی ایوک ءَ کوئٹہ ءَ بندوک مہ بنت ءُ صوبہ ءِ استیں جاورانی سرا پیسریگیں مرکزی حکومت ہم احتساب کنگ بہ بنت۔ آئی ءَ اے ھم دل یکیمی دات کہ وفاقی حکومت بلوچستان ءَ صوبائی حکومت ءِ سرجمیں کمک ءَ کنت ءُ صوبہ ءِ درستیں حقیقی لوٹ آناں پیلو کنت۔ یک جستے ءِ پسو ءَ خواجہ محمد آصف ءَ گشتگ کہ بلوچستان لبریشن آرمی ءِ ناشرکاری ءِ کارانی تہا ہوار بوہگ ءُ بے گناہیں مزدورانی کوش ءِ سبب ءَ گوں بلوچستان لبریشن آرمی ءَ ہچ وڑیں گپ ءُ تران نہ بیت۔ آئی ءَ ورنا ءُ ملک ءِ گہبود ءِ واستہ سر وزیر پنجاب ءُ مزن وزیر ءِ کوشست آں ھم ساڑات۔ وفاقی وزیر ءَ گیش گوشت کہ راج ائید ءَ پد بجلی ءِ ھوالگ ءَ جوانیں ھال ءِ اُمیت کت کنت۔ تحریک انصاف ءِ بانی ءِ بابت ءَ آئی ءَ گشتگ کہ آئی ءِ ریلیف ءِ فیصلہ ءَ آمیدگس کنت نہ کہ سرکار ۔
