اسلام آباد۔31مارچ (اے پی پی):وزیر ءِ تہی کار طلال چوہدری ءَ برطانیہ ءِ داخلہ ءِ وزیر یویٹ کوپر ءِ نیمگ ءَ برطانیہ ءِ سرکاری تر ءُ تاب ءِ موہ ءَ تر ءُ تاب کنوکیں وزیر آنی شرپ ءَ شپ ءِ ورگ ءَ بھر زوری کتگ۔ مراگش ءِ ساھت ءَ طلال چوہدری ءَ برطانیہ ءِ وزیر ءِ گوما جتا جتائیں دو نیمگی جیڈھ آنی سر ءَ ھم ھیال ریچی کت۔ اے موہ ءِ سر ءَ دوئیں ملک آنی نیام ءَ وت مہ وتی کمک ءَ را گیش مھکم کنگ ءِ ارزشت ءِ سر ءَ زور پر دیگ بوت۔ طلال چوہدری برطانیہ ءُ ایندگر ملک آنی تہی کارانی وزیر آنی گوما موثر سیم سر ءِ انتظامی، ناجائزیں امیگریشن ءِ گر ءُ دار ءُ دو نیمگی سیادی آناں گیش کنگ ءِ ھوالگ ءَ ھاسیں گند ءُ نند ءِ ساھت ءَ سرجمیں رنگ ءَ گپ ءُ تران کنت۔ طلال چوہدری ءَ گوشت کہ پاکستان جوانیں سیم سر انتظامی ءُ غیر کانودی امیگریشن ءِ چیلنج آنی گیواری ءِ واستہ جھان ءِ کمک ءَ را گیش مھکم کنگ ءِ واستہ جزمیگ انت۔ آئی ءَ یک رندے پدا گوشت کہ مزن وزیر محمد شہباز شریف ءُ تہی کارانی وزیر محسن نقوی ءَ راجی برجائی ءُ ایمنی ءَ را دل یکیمی کنگ ءِ واستہ سیم سر ءِ ایمنی ءُ امیگریشن ءِ واستہ سکیں گامگیج آنی سر ءَ زور پر داتگ۔
