اسلام آباد۔31مارچ (اے پی پی): بنجاھی داخلہ ءِ وزیر محسن نکوی ءَ عید الفطر ءِ روحانی ءُ چاگردی ارزشت ءِ سر ءَ زور پر داتگ ءُ سرجمیں امت المسلمان ءَ را دل ءِ جہلانکی ءَ چہ سلام داتگ۔ دوشمبے ءِ روچ ءَ وزارت داخلہ ءِ نیمگ ءَ چہ جاڑی بوتگیں وتی کلوہ ءِ تہ ءَ محسن نقوی ءَ عید الفطر ءَ را شکر ءِ روچ لیک اِتگ ءُ گوشت کہ اے روچ رمضان پاکیں ماہ ءَ پد الہی نعمت آنی سرجمی ءِ روچ ھم اِنت۔ آئی ءَ مسلمانیں راج ءِ نیام ءَ یکوئی ءُ براتی ءِ ارزشت ءِ سر ءَ ھم زور پر دات ءُ مردم آناں چہ مھر، شفقت ءُ رواداری ءِ قدر آناں وتیگ کنگ ءِ اپیل کت۔ آئی ءَ چہ شہری آں لوٹ کت کہ آ نزوریں مردم آناں یات بہ کن اَنت ءُ وتی وشیاں گوں زلورت مندیں مردم آناں بھر ءُ بانگ بہ کن اَنت۔ آئی ءَ گوشت کہ اے وشیں موہ ءِ سر ءَ مارا زلورت مند مردم آناں شموشگ مہ بیت ءُ آھاں ھم وتی جشن آنی تہ ءَ ھوار کنگ ءِ کوشست کنگی اِنت۔ محسن نقوی ءَ راج ءِ شہید آناں یات کنان ءَ گوشت کہ سرجمیں راج ایشانی کُربانی آنی شرپ ءَ دار ایت۔ آئی ءَ شہیدانی کھول ءِ گوما ھم یکوئی ءِ دزبندی کتگ۔ آئی ءَ دل یکیمی داتگ کہ ایمن ءُ ایمنی ءِ ائید ءِ واستہ کانود نافذ کنوکیں ادارگ ھمک رنگ ءِ گامگیج کنگ ءَ اَنت۔ وزیر داخلہ ءَ راجی یکوئی ءِ ضلورت ءِ سر ءَ زور پر دیان ءَ مردم آناں دلبڈی دات کہ آ اختلافات ءَ یک نیمگ ءَ بہ کن اَنت ءُ ملک ءِ دیمروئی ءِ واستہ یکجائی ءَ کار بہ کن اَنت۔ آئی ءَ گوشت کہ بیا اِت ما یک مھکمیں ءُ یکجاھیں راج ءُ وتی ملک ءِ دیمروئی ءِ واستہ وتی کرد ءَ پیلو کنگ ءِ وعدہ بہ کن ایں ۔ وتی کلوہ ءِ گڈسرا توکی کارانی وزیر محسن نقوی ءَ پاکستان ءِ ایمنی ءُ وشحالی ءِ واستہ دعا کت ءُ امیت سہرا کت کہ اللہ تعالیٰ راج ءَ را یک ءِ دومی ءِ نگہبانی ءِ توان ءَ بہ دنت۔
