پشاور۔ 31 مارچ (اے پی پی):وفاقی وزیر ءُ مسلم لیگ خیبر پختونخوا ءِ صدر انجینئر امیر مقام ءَ وتی ماتیں ضلع شانگلا پوران ءَ عید الفطر ءِ نماز وانگ ءَ ات کہ ایشی ءِ تہا وفاقی وزیر امیر مقام انجینئر ءِ گوما بازیں سیاسی ءُ چاگردی مردمانی ہمراہی ءَ دمگی شہری آں بہر زرتگ ات۔ اے موہ ءِ سر ءَ انجینئر امیر مقام ءَ ملک ءِ مسلمان امت ءِ دیمروئی ، ایمنی ءُ یکوئی ءِ واستہ ھاسیں دعا ونت ۔ آئی ءَ گوشت کہ ائید الفطر مہر، براتی ءُ اجتماعی وشیانی بھر ءُ بانگ ءِ روچ اِنت۔ ائید ءِ روچ ءَ مارا وتی وشیانی تہ ءَ زلورت مند ءُ نزوریں ٹک ءَ ھوار کنگی اِنت۔ سرجمیں مسلمان امت ءَ را ائید الفطر ءِ روچ ءَ گوں دل ءِ جہلانکی ءَ مراد بات پیش کناں ۔ آئی ءَ گیش گوشت کہ عید الفطر ءِ اے مبارکیں موہ ءَ مظلومیں فلسطینی ءُ مقبوضہ جموں کشمیر ءِ برات ءُ گھار آنی واستہ ھم دعا کت کہ آ وتی آجوئی ءُ بنیاتی ھک آنی جہد ءَ سکی آنی دیم ءَ انت۔ آئی ئَ ناشرکاری ءِ ھلاپ ئَ جنگ ئَ شہید بوتگیں شہری مردم، پاکستانی اُرد، کانود نافذ کنوکیں ادارگ ءُ سیکورٹی فورسز ءِ شھید آناں ستا کرت۔
