فیصل آباد ۔ 31 مارچ (اے پی پی):مئے عقیدت ءِ مستر تریں شہید اَنت کہ آہانی سبب ءَ ما مرچی ائید ءِ وشیاں گوازینگ ءَ ایں ءُ آہانی وارث راج ءِ خیرخواہ اَنت کہ مرچی غم ءُ اندوہ ءِ آماچ اَنت بلے ما آہانی شہیدانی قربانیانی سبب ءَ ائید ءِ وشیاں گوازینگ ءَ ایں ۔ اے گپ مزن وزیر ءِ سیاسی ءُ السی امور ءِ مشورہ رانا ثناء اللہ خان ءَ آدینگ ءِ روچ ءَ وتی سرکاری سیکرٹریٹ ءَ عید الفطر ءِ نماز ءِ وانگ ءَ پد میڈیا ءَ گوں تران کنان ءَ کت۔ آئی ءَ گوشت کہ راج ءَ یک رند ءَ پیسلہ کتگ کہ ناشرکاری ھچ وڑیں جاور آنی تہ ءَ منگ نہ بیت، نہ کہ کجام ھم ناشرکار ءِ لوٹ پیلو کنگ بنت۔ آئی ءَ گوشت کہ بے گناہیں شہری آناں شھید کنگ، ٹرین آنی یرغمال کنگ، ءُ شہری آناں بس آنی تہ ءَ ایر کنگ، آھانی پجار ءُ کشگ ھچ وڑ ءَ منّگ نہ بیت۔ ہر عوامی احتجاج قابل قبول بیت۔ مردم مظاہرہ بہ کن انت یا ہچ وڑیں لوٹ بہ کن انت آہانی لوٹ نہ ایوک ءَ منگ بیت بلکیں پورہ ہم بیت۔ آئی ءَ گوشت کہ اے وھد ءَ اتحادی حکومت است انت، اگاں چہ اے حکومت ءَ مزن وزیر شہباز شریف ءِ سروکی ءَ کامیابی ءَ گوں اقتصادی برجائی آؤرتگ۔ آئی ءَ گوشت کہ درائیں درائیں درائیں ادارگ پاکستان ءِ اقتصادی جاور ھال آنی تہ ءَ گہتری ءَ را منگ ءَ اَنت ءُ آ اے گپ ءِ سر ءَ ھم باور کن اَنت کہ مہنگائی ءِ رفتار بند بوتگ، نوں مہنگائی ءِ تہ ءَ گیش کمی کیت ءُ گریب آناں ریلیف رس ایت۔ آئی ءَ گوشت کہ پنجاب حکومت اپنا گھار اپنا چھٹ، کسان کارڈ، نگھبان پیکیج ءُ اے وڑیں دگہ گامگیج آنی وسیلگ ءَ الس ءِ ھذمت ءَ کنگ ءَ انت۔ نواز شریف ءِ سروکی ءَ مسلم لیگ ن ہذمت ءِ سیاست کنگ ءَ انت ۔ آئی ءَ گوشت کہ ھما مردم کہ پروپیگنڈا کتگ ءُ وتی نعرہ آناں بدکاری کتگ آ نوں وتی آسر ءَ سر بوتگ انت۔ آئی ئَ گوشت کہ ملک اقتصادی بحران ئَ چہ دراتکگ۔ آئی ءَ گوشت کہ مزن وزیر ءِ ہدایت ءِ پد ءَ سرگودھ روڈ ءِ جوڑیشت ءِ کار بندات کنگ بوتگ ءُ اے السی لوٹ اے مالی سال ءَ سرجم کنگ بیت۔ ایشی ءَ ابید ستیہ روڈ ءِ سر ءَ ھم کار بوھگ ءَ اِنت ، وھدیکہ فیصل آباد ءَ آئی ٹی سٹی ءُ میٹروبس ءِ بندات کنگ ءِ سر ءَ ھم بازیں کار کنگ بوتگ ءُ اے منصوبگ زوت بنگیج کنگ بنت ۔ ناشرکارانی حلاف ءَ آپریشن ءِ گیواری ءِ یکیں گیواری انت ۔ آئی ءَ گوشت کہ ناشرکار بلوچستان ءَ چہ پاکستان ءَ جتا کنگ لوٹ اَنت۔ اے ناشرکار “را” ءِ ایجنٹ اَنت ءُ بلوچستان ءَ چہ اوگانستان ءَ جتا کنگ لوٹ اَنت۔ ایشانی ھلاپ ءَ کارروائی بیگ ءَ انت ءُ اے وڑیں ناشرکارانی ھلاپ ءَ کارروائی برجاہ بیت۔ بلے ما ھما مردمانی گپاں گوش داریں کہ آ پاکستان ءِ آئین ءُ کانود ءَ من اَنت، ما آیانی شان ءَ ھم چست کنیں، ءُ آیانی لوٹاں ھم پیلو کنیں۔ البت آ ھما ھیال ءَ مہ زور اَنت کہ ناشرکارانی ھمدردی ءِ درشان ءَ بہ کنت۔ بیگواھیں مردمانی بابت ءَ جست ءِ پسو ءَ آئی ءَ گْوشتگ کہ ما مھرنگ بلوچ ءُ خیبر پختونخوا ءِ مردماں ناشرکار نہ گْوش ایں بلکیں آ ناشرکاری ءِ کارانی ایر جنگ ءَ بہ کن اَنت۔ اے کار ءَ چہ آھانی بیانیہ گیشتر مھکم بیت۔ آئی ءَ گوشت کہ بلوچستان ءِ دیمروئی ءِ ھمک لوٹ پورہ کنگ بنت۔ آئی ءَ گوشت کہ اگاں آل پارٹی کانفرنس گوانک جنگ بوت گڈا حکومت اے درگت ءَ ھمگرنچیں فریق آنی گوما شور ءُ سلاھ کنت۔ آئی ءَ گوشت کہ اگاں سرکار ءُ آئی ءَ گوں ھمگرنچیں گلانی دعوت دیگ مہ بیت گڈا اے چونیں آل پارٹی کانفرنسے بیت؟ پیکا ایکٹ ءِ جست ءِ پسو ءَ آئی ءَ گوشت کہ ما پیکا ایکٹ ءِ ھوالگ ءَ راستی ءِ گپ جنوکیں اھوالکار آنی گوما نندگ ءَ ساڑی آں ءُ شور ءُ سلاھ ءِ وسیلگ ءَ ترمیم آرگ ءِ واستہ ھم ساڑی آں کہ ایشی ءَ چہ پیکا ایکٹ ءِ ردیں کارمردی ءَ را رکگ بیت۔ آئی ءَ گوشت کہ پیکا ایکٹ اصل ءَ ھما مردم آنی واستہ آرگ بوتگ کہ آ سوشل میڈیا ءِ وسیلگ ءَ کسے ءَ بدنام کن اَنت یا آئی ءِ کھول ءِ عزت ءِ رکھینگ نہ بیت۔ اے پہ ھمے مردماں اِنت۔ بلے آئی ءَ گوشت کہ ما اھوالکار تنظیم آنی ھمکوپگی ءَ ترمیم کنگ ءِ واستہ تیار ایں ۔ دگہ یک جستے ءِ پسو ءَ آئی ءَ گشتگ بنجاہی سرکار ءِ گچین کاری ءِ بابت ءَ گوں قائداعظم نواز شریف ءَ شور ءُ سلاہ بوھگ ءَ انت ءُ امیت انت بنجاہی سرکار ءِ گچین کاری ھمے سال ءَ بیت۔
