لاہور – 31 مارچ (اے پی پی): مزن وزیر محمد شہباز شریف ءَ بنگلہ دیش ءِ چیف ایڈوائزر پروفیسر ڈاکٹر محمد یونس ءَ گوں ٹیلی فون ءِ سر ءَ گپ ءُ تران کتگ۔ دو شمبے ءِ روچ ءَ مزن وزیر ءِ کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوستگیں سال ءَ اقوام متحدہ ءِ جنرل اسمبلی (UNGA) ءُ ڈی 8 سروک دیوان ءِ ساھت ءَ نیویارک ءُ قاہرہ ءَ وتی گرم ءُ پائدگ مندیں گند ءُ نند آنی یات ءَ کنان ءَ 2020ءَ سیل ءُ سواد ءِ سرا ات۔ دوئیں رہشوناں پاکستان ءُ بنگلہ دیش ءِ نیام ءَ دو نیمگی سیادی ءَ را گیش مھکم کنگ ءِ وتی یکجائی واھشت ءِ سر ءَ زور پر دات۔ اے درگت ءَ مزن وزیر ءَ اے امیت سہرا کت کہ اپریل ءَ پاکستان ءِ نائب مزن وزیر/درئی کارانی وزیر ءِ ڈھاکہ ءِ تر ءُ تاب ءِ ھمراھی ءَ تجارتی ڈل ھم ھمراہ داری کنت۔ آئی ءَ ھمک پڑ ءَ دو نیمگی سیادی ءَ را بحال کنگ ءِ واستہ ادارگی نظام ءِ بحال کنگ ءِ ضلورت ءِ سر ءَ ھم زور پر دات۔ دوئیں ملک آنی نیام ءَ مردم آناں رابطہ آناں دیمروئی دیگ ءِ واستہ دود ءُ ربیدگ ءِ ڈل آناں تبادلہ ءِ سر ءَ ھم گپ ءُ تران کنگ بوت۔ مزن وزیر ءَ پاکستان ءِ تر ءُ تاب ءِ واستہ بنگلہ دیش ءَ چہ دود ءُ ربیدگی ڈل ءِ روان دیگ ءِ تجویز دات ایشی ءِ تہ ءَ کوھن ءُ نوکیں ازمکار ھاسیں رنگ ءَ لیجنڈری اداکارہ رونا لیلا ھوار انت۔ مزن وزیر محمد شہباز شریف ءَ ھم بنگلہ دیش ءِ چیف ایڈوائزر ءَ را پاکستان ءِ تر ءُ تاب ءِ دعوت ءِ پدا زور دات۔
