بیجنگ۔28مارچ (اے پی پی): بنجاھی وزیر خزانہ ایس محمد اورنگزیب ءَ گوشت کہ جھان ءِ تحفظ پسندی ءُ تجارتی رکاوٹ آنی تہ ءَ گیشی ءِ رد ءَ چین ءِ واستہ سک باز المی ءُ دلبڈی ءِ گپ اِنت کہ آ مزنیں تک ءُ دو نیمگی میاں اوستمانی تجارتی ءُ سرمایہ کاری کمک ءَ را سرگرمیں رنگ ءَ دیم ءَ برگ ءَ اِنت۔ جمعہ ءِ روچ ءَ چنائی ءَ بوآؤ فورم فار ایشیا ءِ سالانہ دیوان ءَ بہر زورگ ءِ وھد ءَ چین میڈیا گروپ ءَ گوں ھاسیں گپ ءُ تران ءِ تہ ءَ آئی ءَ گوشت کہ گلوبلائزیشن میاں اوستمانی براتی ءِ یکجائی واھشت اِنت۔ گلوبلائزیشن ءِ یک مھکمیں حمایتی ءُ ھاسیں ڈرائیونگ فورس ءِ بستار ءَ چین ءَ دو نیمگی میاں اوستمانی کمک ءَ را سرگرمیں رنگ ءَ دیم ءَ برتگ ءُ اے یکجائی وژن ءِ سرجمی ءَ ھاسیں کرد پیلو کنگ ءَ اِنت۔ ایس محمد اورنگزیب ءَ گوشت کہ ہانگ کانگ ءُ سنگاپور ءِ گوما ہائینان آزاد تجارتی بندرگاہ ءِ رابطہ آنی دیمروئی ءِ مفہوم ءَ چہ دمگی رابطہ ءُ اقتصادی ءُ تجارتی تبادلہ آناں جوانیں رنگ ءَ دیمروئی رسیت۔ آئی ءَ گوشت کہ سی پیک ءَ انفراسٹرکچر ءُ توان ءِ شوبگ ءَ کواسیں سوبمند بوتگ انت۔ گوستگیں سال ءَ چین ءِ تر ءُ تاب ءِ ساھت ءَ پاکستان ءِ مزن وزیر ءَ شیان ءِ کشت ءُ کشاری منصوبگ ءِ ھاسیں تر ءُ تاب کتگ ات ایشی ءَ چہ دوئیں ملک آنی نیام ءَ کشت ءُ کشاری کمک ءِ واستہ مھکمیں بنیات ایر کنگ بوتگ ات۔ آئی ءَ امیت سہرا کت کہ آیوکیں وھد ءَ دوئیں ملک کشت ءُ کشاری کمک ءَ را گیش گہتر کن اَنت ھاسیں رنگ ءَ کشت ءُ کشاری ٹیکنالوجی ءِ تبادلہ ءُ کارندہ آنی تربیت ءَ را مھکم کنگ ءِ تہ ءَ۔ آئی ءَ گوشت کہ پاکستان ءُ چین ءِ نیام ءَ مصنوعی ذہانت، موسمی بدلی ءِ ھلاپ ءَ جنگ، چاگرد دوست ءُ برجمیں دیمروئی ءِ پڑ آنی تہ ءَ کمک ءِ مزنیں گنجائش است انت۔
