اسلام آباد۔ 28 مارچ (اے پی پی) چیئرمین سینیٹ سید یوسف رضاگیلانی پارینے کہ یوم القدس مظلوم فلسطینی الس تون یکجہتی نا درشانی نا دے ءِ، فلسطین نا ویل انا انصاف اٹ و دیرپاایسر اقوام متحدہ نا قرارداد و فلسطینی الس نا است خواہی تا رداٹ کشنگے، پاکستان مدام فلسطینی الس نا حق اکن توار بڑزکرسا کیک۔ جمعہ نادے آ سینیٹ سیکرٹریٹ آن جاری بیان نا رداٹ یوم القدس نا وخت آ تینا کلہو اٹی چیئرمین سینیٹ پارے کہ دادے مظلوم فلسطینی تتون یکجہتی نا درشانی نا دے ءِ۔ اوپارے کہ پاکستان نا پارلیمان و الس مدام فلسطینی الس نا حق خودارادیت و آجوئی نا پورو مخ تفی ءِ کرسا بسنو و داجہد اٹی اوفتے تون ہم کوپہ سلوک ءُ۔ چیئرمین سینیٹ سید یوسف رضاگیلانی جہانی برادری آ زور شاغا کہ او فلسطینی الس آ برجااسرائیلی ظلم و جور انا چٹفنگ کن جوان گام گیج کے۔ اوپارے کہ فلسطین نا ویل انا انصاف اٹ و دیرپا ایسر اقوام متحدہ نا قرارداد و فلسطینی الس نا است خواہی تارداٹ بایدے کشنگے۔ اوپارے کہ پاکستان مدام فلسطینی الس نا حق اکن توار بڑزکرسا کیک و اوفتے تون ہرممکن سفارتی و اخلاقی کمکاری ءِ برجاتخک۔ اوامت مسلمہ و جہانی برادری آن خواست کرے کہ او فلسطینی تیکن گچین گام گیج کے تانکہ اوفتے حق خودارادیت دوئی مننگ کے۔ چیئرمین سینیٹ پارے کہ فلسطینی الس آ کروک آ ظلم ءِ توننگ کن دمدستی گام گیج آتا گرج ءِ تانکہ دے ٹک نیامی ٹی دیرپاامن مننگ کے۔ اواقوام متحدہ، اوآئی سی و ایلو جہانی تنظیم تیان خواست کرے کہ او اسرائیل ءِاونا غیرکانودی گام گیج آتیان بازتخنگ کن جوان حکمت عملی اس اختیار کیرو فلسطینی الس ءِ اوفتا روا حق ترفنگ اٹ تینا کڑد ءِ اداکیر۔
