اقوام متحدہ۔ 28 مارچ (اے پی پی)پاکستان پارینے کہ جمہوریہ کانگو جھیڑہ نا ایسرفوج آخا بلکن مذاکرات اٹی ءِ۔ اقوام متحدہ ٹی پاکستان نا آخبتی نمائندہ عاصم افتخار احمد سلامتی کونسل نا تدوک آ تُو انا قرارداد آ پورو وڑاٹ عملدرآمد کننگ نا خواست کرے ہراٹی جمہوریہ کانگو نا ایلو علاقہ غاتیان روانڈان نا حمایت یافتہ مارچ 23 تحریک M23باغی تا کشنگ نا خواست کننگاسس و کانگو و روانڈءِ ڈیہہ اٹی امن کن سفارتی مذاکرات اٹی پدی بننگ نا ترغیب تننگاسس۔ پاکستانی مندوب کانگو ٹی بگڑینگوک آ حالیت آتیا شرہ ٹی پارے کہ داپیدوار ءِ کہدا جھیڑہ نا ہچ ءُ فوجی ایسری اس اف۔ اوزور شاغا کہ غٹ فریق آتے خاص وڑاٹ ایم 23، کوانگولان نا صدر جواؤلورینکو و کینیا نا مسکوہی صدر اہوروکینیاٹانا کماشی ٹی کمکار آتون نیک نیتی اٹ جھیڑہ نا ایسراس کشنگے۔ اوپارے کہ ننے یقین ءِ کہ افریقی سرکڑدہ و کمکاری آ تالان دا گام گیج داباندات اٹی کارفرماتاریخی و ساڑی پیچیدہ عمل بشمول غٹ فریق آتا جاچ سیکورٹی خدشہ غاتیا جوان چکار کننگ نا جوان فریم ورک اس فراوان کیک۔ سفیرافتخار احمد بھاز مشکل حالیت آتے ٹی کانگو ٹی اقوام متحدہ نا ادارہ استحکام مشن (ایم او این یوایس سی او) نا امن دستہ غاتا کوشست آتا ستاءِ کرسا پارے کہ داپابندی تے اینک کننگے ہرا مشن نا امن دستہ غاتے کاریم کننگ آن توننگ ءِ امن فوجی تے خطرہ ٹی شاغنگ ءِ۔
