کوئٹہ۔ 28 مارچ (اے پی پی) مسکوہی ترجمان وزیراعلیٰ بلوچستان بابریوسف زئی کوئٹہ ڈبل روڈ دھماکہ ٹی شہیدی آ ڈکھیائی و غم انا درشانی ءِ کرے۔ جاری بیان اٹی بابر یوسف زئی پارے کہ دہشت گرد آک داوڑنا لغور انگا جلہو آتے اٹ ننا قوم انا حوصلہ ءِ شیف شاغنگ کپسہ۔ اوسیکورٹی ادارہ غاتیان دہشت گردی نا عفریت نا ملک آن پورو چٹفنگ اسکان اوفتا برخلاف جنگ ءِ برجاتخنگ نا خواست کرینے۔ اودھماکہ ٹی شہیدی و ٹھپی تیان است ہسونی نا درشانی ءِ کرسا شہید آتا خاہوت آتون دلی ہمدردی نا درشانی ءِ کرینے۔ اوپارے کہ کودک مخلوق نا زند آتون گوازی کروک آ درندہ غاک ہچ ءُ رعایت اسے نا حقدار افس۔ اوشہید آتا درجہ غاتا بڑزی و ٹھپی تا زوت دراخ جوڑی کن دعاکرے۔
