اسلام آباد۔ 28 مارچ (اے پی پی) نیشنل ہائی ویز اینڈ موٹروے پولیس عئید انا وخت آ ٹریول ایڈوائزری جاری کرے۔ ترجمان موٹروے پولیس نا کنڈآن جمعہ نادے آ جاری سفری ایڈوائزری اٹی پاننگانے کہ عئید انا وخت آ مخلوق تینا آبائی علاقہ غاتا کنڈآ سفر کیرہ و ٹریفک نا روانی ودک۔ منہ رکھی گام گیج تینا کرسا تینا سفر ءِ رکھ و آرام دہ کیر۔ سفر نا بناءِ کننگ آن مست گاڈی نا انجن تیل، دیر، ٹیر پریشر و بریک آتے چیک کیر۔ ڈریونگ اٹی سیٹ بیلٹ نا کاریم اٹ اتنگ ، حد رفتار نا پابندی ، مون نا گاڈی آن رکھ فاصلہ و لین ولائن نا پاسداری ءِ کیر۔ مرغن آ سفر آن مست ڈیور پورو فریش مننگ و اِرٹ آن دونیم گھنٹہ نا ڈریونگ آن پد زرس وخت آرام کننگ المی ءِ۔ تغ و غنودگی نا حالیت اٹی ہرگز ڈرائیو کپس۔ مسافر بردار گاڈی تیٹی سفر کروک آ اوورلوڈنگ و اوورچارجنگ نا غاوموٹروپولیس نا ہیلپ لائن آ کننگ کیرہ۔ ہروڑنا کمک نا دروشم اٹ موٹروے پولیس ہیلپ لائن 130 آ رابطہ کننگ مریک۔ نیشنل ہائی ویزاینڈ موٹروے پولیس نما کمک و رکھ سفر کن ہردم تیار ءِ۔
