اسلام آباد۔ 28 مارچ (اے پی پی) اسپیکر قومی اسمبلی سردار ایاز صادق پارینے کہ یوم القدس مظلوم فلسطینی الس تون یکجہتی نا درشانی نا دے ءِ، غزہ ٹی برجااسرائیلی جارحیت و بربریت بھاز مذمت نا قابل ءِ، جہانی برادری فلسطینی الس آ برجااسرائیلی جارحیت ءِ تورفنگ کن دمدستی و گچین گام گیج کے۔ یوم القدس نا وخت آ تینا بیان اٹی اوپارے کہ یوم القدس مظلوم فلسطینی الس تون یکجہتی نا درشانی نادے ءِ، غزہ ٹی برجااسرائیلی جارحیت و بربریت بے کچ مذمت نا قابل ءِ۔ جہانی برادری فلسطینی الس آ برجااسرائیلی جارحیت ءِ تورفنگ کن دمدستی و گچین گام گیج کے۔ اوپارے کہ پاکستان نا پارلیمان و الس فلسطینی تا حق خودارادیت و آجوئی نا پورو مخ تفی ءِ کیرہ۔ پاکستان 1967آن مہالو والا سیم تیا آجوفلسطینی ریاست نا جوڑ کننگ و القدس الشریف ءِ اونا دارالحکومت جوڑ کننگ نا اصولی موقف آ سلوک ءِ۔ سردار ایاز صادق پارے کہ اقوام متحدہ نا قرارداد آتا رداٹ فلسطین نا ویل انا انصاف اٹ ایسر ڈیہہ اٹی پائیدارا من کن المی ءِ۔
