اسلام آباد۔ 28 مارچ (اے پی پی) صدر مملکت آصف علی زرداری سیکورٹی فورس آتا کنڈآن ضلع قطبی وزیرستان و ڈیرہ اسماعیل خان اٹی چندی کارروائی تیٹی 11 خوارج آتے جہنمی کننگ آ فورس آتے خراج تحسین پیش کرینے۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت انٹیلی جنس آ تالان کارروائی ٹی فتنۃ الخوارج نا دہشت گرد آتا قلع قمع کننگ آ سیکورٹی فورس آتا بہادری نا ستاءِ کرے و پارے کہ سیکورٹی فورس آک دہشت گردی نا چٹفنگ کن کارروائی کننگ ءُ۔ صدر مملکت پارے کہ مچ آ قوم دہشت گردی نا برخلاف تینا سیکورٹی فورس آتون تفوک ءُ۔ صدر مملکت ملک آن فتنۃ الخوارج آتا پورو چٹفنگ نا عزم انا درشانی ءِ کرے۔
