اسلام آباد۔27مارچ (اے پی پی):مزن وزیر محمد شہباز شریف ءَ کوئٹہ ءِ انڈسٹریل ایریا، برکت مارکیٹ ءَ بوتگیں تراک ءَ را تچکیں مذمت کتگ ءُ جانی تاوان ءِ سرا غم ءِ درشانی کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بیران بوتگیں مردمانی واستہ مزنیں رند ءِ دعا کتگ، آھانی کھول ءِ واستہ صبر ءُ اوپار ءِ دعا کتگ ءُ ٹپیگ آناں جوانیں دوا ءُ درمان ءِ آسراتی پجارینگ ءِ ہدایت کتگ۔ اے تراک ءَ دو مردم بیران بوتگ۔ مزن وزیر ءَ اے وئیل ءِ ترندیں پٹ ءُ پول ءِ ہدایت کتگ، زمہ وار آنی پجارینگ ءُ آناں کانود ءِ دیم ءَ آرگ ءِ ہدایت کتگ ءُ گوشت کہ بلوچستان ءَ بدمعاشی شنگ کنوکیں عناصر بلوچستان ءِ دیمروئی ءِ دژمن اَنت۔ مزن وزیر ءَ گوشت کہ شرارت کنوک آنی بد نیتی آناں کدی ھم سوبمند بوھگ ءِ موہ دیگ نہ بیت ءُ ناشرکاری ءِ راکشس ءِ ھلاپ ءَ جنگ ھما وھد ءَ برجاہ مان ایت داں ملک ءَ چہ سرجمی ءَ ھلاس کنگ مہ بیت۔
