اسلام آباد۔27مارچ (اے پی پی): کینگ داریں ناشری، بھر ءُ بانگ ءُ جتا بوھگ اسلام ءِ زانشت آنی رد ءُ ھلاپ اِنت، اسلامی نظریہ ءِ شورا ءَ نوکیں نسل ءَ را منفی رویہ ءُ دروگیں تبلیغ ءِ حملہ ءَ چہ رکھینگ ءِ ھاتر ءَ کلیدی کرد ءِ پیلو کنت، مزن وزیر شہباز شریف ءِ کونسل ءِ گولڈن جوبلی ءَ گوں گشتانک ، کونسل ءِ گولڈن جوبلی اسلام آباد ءَ مزن وزیر شہباز شریف ءِ گشتانک ءَ مزن وزیر محمد شہباز شریف ءَ گشتگ انتہا پسندی، نفرت ءُ تپاکی ءِ رویہ اسلامی تعلیم ءُ سوچ ءِ خلاف انت۔ اسلامی نظریہ ءِ شورا ءُ عزت مندیں عالماں نوکیں نسل ءَ را منفی رویہ ءُ دروگیں تبلیغ ءِ حملہ ءَ چہ رکھینگ ءِ ھاتر ءَ کلیدی کرد پیلو کنگی انت۔ کونسل ءَ زوراکیں عناصر ءِ ھلاپ ءَ یک مھکمیں بندشے جوڑ کتگ۔ مارا پاکستان ءِ جوڑ کنگ ءِ اصل مول ءُ مراداں سرجم کنگ ءُ پاکستان ءِ نام ءَ دگنیا ءِ تہ ءَ نامدار کنگ ءِ واستہ اجتماعی ھیال ءُ لیکہ ءُ حکمت عملی ءِ گوما دیم ءَ روگی اِنت۔ اے درگت ءَ کونسل وتی مستریں کرد ءَ پیلو بہ کنت تانکہ پاکستان راستیں بزانت ءَ اسلامی فلاحی ریاست جوڑ کنگ بہ بیت۔ آئی ءَ اے گپ پنچ شمبے ءِ روچ ءَ اسلامی نظریہ ءِ کونسل ءِ زرین سال ءِ مراگش ءَ گشتانک دیان ءَ کت۔ مزن وزیر ءَ کونسل ءَ را زرین جوبلی ءِ مبارک بات دیگ ءَ گوشت کہ اسلامی نظریہ کونسل 1973ءِ آئین ءِ چیر دستی ءَ امن ءُ ایمنی ءِ رنگ ءَ جوڑ کنگ بوتگ تانکہ پاکستان ءِ راج ءُ مفکر ءِ پاکیں واب آناں پیلو کنگ بہ بیت ءُ اے وشیں گپ اِنت کہ اے ادارگ شپ ءُ روچ کار کنگ ءَ اِنت۔ اللہ تعالیٰ ایشانی جہداں قبول بہ کنت ءُ اے محنت ءِ وسیلہ ءَ پاکستان ءَ ہما ملک جوڑ بہ کنت کہ مئے پیریناں واب دیستگ ات۔ مزن وزیر ءَ گوشت کہ کونسل ءِ چیئرمین علامہ رغیب نعیمی ءِ بزرگ آناں ھم دینی ازمت ءِ واستہ مزنیں محنت کتگ۔ آئی ءِ پت شھید سرفراز نعیمی ءَ اسلام ءِ ھلاپ ءَ ناشرکاری ءِ جار جتگ۔ اسلامی نظریہ ءِ شورا ءِ چیئرمین ءَ مارا گشت کہ جنگولی تحریکاں چوں وتی مرضی ءِ اقتدار ءِ مسلط کنگ ءِ جہد کتگ ءُ اسلامی نظریہ ءِ شورا ءَ چوں آہانی ھلاپ ءَ مھکمیں بندشے جوڑ کتگ۔ اے یک مزنیں ازمتے کہ پاکستان ءِ مہلوک ءَ را دائم ءَ یات کنت۔ آئی ءَ گوشت کہ مرچی اے یات ءِ روچ اِنت کہ ملک ءُ اے ادارگ ھما مول ءُ مراد ءِ واستہ جوڑ کنگ بوتگ ھما مول ءُ مراد برجاہ اِنت ۔ آئی ءَ گوشت کہ اے ادارگ ءَ مزنیں کوشست، ایمانداری، ءُ جوش ءُ جزبگ ءِ گوما وتی ذمہ واری پیلو کتگ ءُ اللہ تعالیٰ آھاں انعام دنت۔ مزن وزیر ءَ گوشت کہ یک جوانیں اسلامی بینکاری نظام ءِ دیم ءَ آرگ ءِ واستہ کونسل ءِ کریڈٹ کسانیں کارنامہ نہ اِنت۔ اے گپ ءَ چہ دنیا ءِ بازیں اسلامی ملکاں اسلامی بانکداری ءِ نظام دیمروئی بوتگ ءُ نوں غیر مسلمانیں ملکاں ہم ایشی ءِ سرا مزنیں کارے کنگ بوہگ ءَ انت۔ مزن وزیر ءَ گوشت کہ انتہا پسندی، نفرت ءُ تپاکی ءِ رویہ اسلامی یکوئی، برات ءُ گہار ءِ تعلیم ءُ فکر ءِ ھلاپ انت۔ علماءِ ھاسیں رنگ ءَ کونسل ءِ سرا مزنیں ذمہ واری یے کہ آ نوکیں نسل ءَ چہ منفی لیکہ، ردیں بیان، دروگ ءُ پروپیگنڈا ءَ رکھینگ ءِ ھاترا کلیدی کردے پیلو بہ کنت ءُ قرآن ءُ سنت ءِ رژنائی ءَ یکجاہ چاگرد ءِ رہشونی بہ کنت۔شورا ءِ باسک یکجاہ کار کنگ ءَ اَنت کہ راج ءِ تہ ءَ یکوئی ءُ یکوئی ءِ راہ ءَ بندوکیں بندشاں چہ فرقہ وارانہ لیکہ ءَ آجو بہ کن اَنت۔ اے یک انچیں راجی ھزمتے کہ ایشی ءِ ثواب ایوک ءَ اے دگنیا ءَ نہ بیت بلکیں آخیرت ءَ ھم رس ایت۔ آئی ءَ گوشت کہ نوکیں ٹیکنالوجی ءَ سرجمیں رنگ ءَ دگنیا بدل کتگ، مارا ھم ھمے رفتار ءَ گامگیج زورگی اِنت۔ اے درگت ءَ اسلام ءَ اجتہاد ءِ راہ پہ رکاوٹانی دیم ءَ دارگ ءَ پیش داشتگ ءُ اے درگت ءَ اسلامی نظریاتی کونسل ءِ کرد المی اِنت۔ آئی ءَ گوشت کہ مارا یک ریاست، چاگرد ءُ افراد ءِ بستار ءَ اسلام ءِ رژنائیں کشک ءِ رندگیری کنگی انت تانکہ پاکستان ءِ قیام ءِ اصل مول ءُ مراد پیلو بہ بنت۔ مزن وزیر ءَ گوشت کہ قائداعظم ءِ مزنیں سروکی ءَ راج ءَ قربانی دات ءُ پاکستان وجود ءَ اتک۔ پہ ایشی ءَ ہجرت ءُ قربانیانی یک دراجیں کسہے است۔ اے مئے درستانی پرز اِنت کہ ما اے درستیں قربانیاں وتی دیم ءَ بہ داریں ءُ ہما راہ ءِ سرا روگ ءَ بندات بہ کنیں کہ پہ آئی ءَ اے دمگ بہر ءُ بانگ بوتگ۔ مزن وزیر ئَ گوشت کہ اسلامی نظریہ ئِ کونسل ئِ گولڈن جوبلی ئِ موہ ئَ مارا اجتماعی حکمت ئُُ حکمت عملی ئِ گوما دیم ئَ جنئگ ئُُ پاکستان ئِ نام ئَ دُگنیا ئِ تہ ئَ نامدار کنگ ئِ وعدہ کنگی اِنت۔ پہ ایشی ءَ اسلامی نظریہ ءِ شورا کلیدی کرد ءُ رہشونی کت کنت۔ آئی ءَ کونسل ءَ را دعوت دات کہ آ دیم ءَ بہ روت ءُ اے درگت ءَ سروکیں کرد ءَ پیلو بہ کنت، ما درست ایشانی رندگیری ءَ کن ایں تانکہ پاکستان ءَ را راستیں معنا ءَ اسلامی فلاحی ریاست جوڑ کنگ بہ بیت۔ ایشی ءَ چہ پیسر اسلامی نظریہ ءِ کونسل ءِ چیئرمین علامہ رغیب نعیمی ءَ وتی وش اتکی گشتانک ءِ تہ ءَ مزن وزیر ءَ ھوار شریکیں مردماں اسلامی نظریہ ءِ کونسل ءِ زرین جوبلی ءِ مراگش ءَ وش آتک کت۔ آئی ءَ گوشت کہ اسلامی نظریہ ءِ کونسل ءِ باوقاریں آئینی ادارگ ءِ جوڑ کنگ ایوک ءَ پاکستان ءِ راجدپتر ءِ یک یاتگاریں بابے نہ اِنت بلکیں اے گپ ءِ گشگ ءَ مبالغہ نہ بیت کہ اے پاکستان ءِ جوڑیشت ءِ جواز ءِ پجارینگ ءِ واستہ موزوں تریں ادارگ اِنت۔ آئی ءَ گوشت کہ اسلام ءُ اسلامی نظام ءِ عملی نفاذ ایوکیں مول ءُ مراد اِنت کہ ایشی ءِ واستہ ریاست پاکستان ءِ وجود ءَ اتکگ۔ اے مول ءُ مراد ءِ پیلو کنگ ءِ ھاترا پاکستان ءِ بُن ھشت ایر کنوک، آئینی زانتکار ءُ زانتکاراں اے المی لیک اِتگ کہ ھر آئینی دستاویز ءِ تہ ءَ اے وڑیں شق ھوار کنگ بہ بنت کہ آ اسلام ءُ اسلامی تعلیمات ءِ عکس ءَ پیش بہ دار اَنت۔ آئی ءَ گوشت کہ اسلامی شق آناں فعال دارگ ءَ کونسل ءَ مزنیں کردے پیلو کتگ۔ اے شورا ءَ ملک ءِ اسلامی نظریہ ءِ پدر کنگ ءَ ھم مزنیں کردے پیلو کتگ۔ آئی ءَ گوشت کہ اسلامی نظریہ ءِ کونسل ءِ گولڈن جوبلی ءِ موہ ءَ یک یاتگاری ٹکٹ ءِ شنگ کنگ ءِ بندوبست کنگ بوتگ، ایشی ءَ را مزن وزیر ءَ وش اتک کتگ ءُ ما 2024ءَ وت شنگ کتگ۔ آئی ءَ گوشت کہ اے موہ ءَ کونسل ءَ 50سال ءِ کارکردگی ءِ رپورٹ ھم جاڑی کتگ۔ شورا نظریہ اسلامی ءِ پیسریگیں چیئرمین قبلہ ایاز ءَ گوشت کہ نظریہ اسلامی شورای ریاست ءِ دینی دیم انت۔ شورا اسلامی نظریہ ءَ زوراکی ءُ سلاہ بندیں جنبشانی ھلاپ ءَ بندش ءِ جوڑ کنگ ءَ مزنیں کردے پیلو کتگ ءُ اے 1973 ءِ آئین ءِ رد ءَ آئینی شق اِنت۔ آئین ءِ آرٹیکل 2 ءِ رد ءَ اسلام پاکستان ءِ ریاستی مذہب بیت ءُ آرٹیکل 227 ءِ رد ءَ قرآن ءُ سنت ءِ حلاف ءَ ہچ وڑیں قانون جوڑ کنگ نہ بیت۔ اے آئین ءُ پارلیمنٹ ءِ نیمگ ءَ داتگیں مزنیں شرپے ۔ اسلامی نظریہ ءِ کونسل ءِ ھاسیں کرد ءَ را پدر کنان ءَ آئی ءَ گوشت کہ اے ادارگ ءَ را گیش مھکم کنگ ءِ ضلورت اِنت، ایشی ءَ چہ پاکستان ءَ را اسلامی رنگ ءَ اسلام کنگ ءِ راہ ءَ دیم ءَ روگ ءُ دیمروئی ءُ وشھالی ءِ ھاترا توان رسیت۔
