اسلام آباد۔27مارچ (اے پی پی):مزن وزیر محمد شہباز شریف ءَ گوشت کہ ورنا مئے واستہ چیلنج ءِ ھوار یک مزنیں موہ ءِ ھم انت۔ اگاں ورنا آناں آئی ٹی، آرٹیفیشل انٹیلی جنس ءُ پیشہ وارانہ تربیت دیگ بہ بیت گڈا آ ملک ءِ یک مزنیں سرمایہ یے جوڑ بنت۔ اگاں ما ورنا آناں تربیت دیگ ءُ آھاں نوکیں ٹیکنالوجی پجاری ءِ واستہ سرمایہ کاری بہ کن ایں گڈا پاکستان لھتیں سال آنی تہ ءَ دیمروئی کتگیں ملک جوڑ بیت۔ ما قرض ءِ زند ءَ شرپ ءِ زند ءَ بدل کنگی اِنت۔ منی دعا انت کہ آئی ایم ایف ءِ انوگیں پروگرام ملک ءِ راجدپتر ءِ گڈی پروگرام بہ بیت۔ مزن وزیر ءَ اے ھیالانی درشانی پنچ شمبے ءِ روچ ءَ مزن وزیر ءِ ڈیجیٹل ورنا مرکز ءِ بنگیج ءِ مراگش ءَ گشتانک دیان ءَ کت۔ اے موہ ءِ سر ءَ وفاقی وزیر ءِ اھوالکاری ءُ شنگکاری عطا اللہ ترار، کشمیر ءُ گلگت بلتستان ءِ کارانی وزیر امیر مقام ءُ وفاقی وزیر ءِ اھوالکاری ٹیکنالوجی شازہ فاطمی خواجی ھم ساڑی بوتگ اَنت۔ مزن وزیر محمد شہباز شریف ءَ گوشت کہ مرچی بے دروریں وشی ءِ روچ اِنت۔ اے وھد ءَ کہ مصنوعی ذہانت ءِ بابت ءَ کس ءَ سرپدی نیست ات، آئی ءَ پنجاب ءِ سر وزیر ءِ بستار ءَ وانگ ءُ زانگ، جان سلامتی ءُ ورناہانی ھاتر ءَ اولیت ءِ گامگیج چست کتگ ات۔ سال 2011 ءَ بگر داں 2018 ءَ پنجاب ءَ میرٹ ءِ بنیاد ءَ باصلاحیتیں نودربر آناں 4لکھ لیپ ٹاپ مفت ءَ بھر ءُ بانگ کنگ بوتگ۔ اگاں ورناہاں آئی ٹی، مصنوعی ذہانت، ءُ پیشہ وارانہ تربیت دیگ بہ بیت گڑا آ ملک ءِ ھاترا مزنیں سرمایہ یے جوڑ بنت۔ مرچیگیں دنیا نوکیں ٹیکنالوجی ءِ کارمرز کنگ ءِ لوٹ ءَ کنت۔ پاکستان ءِ ورنا مئے واستہ یک چیلنج ءِ ھوار یک مزنیں موہ ءِ ھم انت۔ مزن وزیر ئَ گوشت کہ اللہ تعالیٰ پاکستان قدرتی نعمت ئَ چہ سرکپتگ۔ اگاں جتا جتائیں ملکاں قدرتی وسائل ءِ نوبت رسیت گڈا لکاں ورنا پاکستان ءِ دارالحکومت انت۔ اگاں آزات کشمیر ءُ گلگت بلتستان ءَ ھوار سرجمیں ملک ءَ لاکھوں ورنا آناں تربیت ءُ آھاں نوکیں ٹیکنالوجی ءِ پھجارینگ ءِ تہ ءَ سرمایہ کاری کنگ بہ بیت گڈا پاکستان لھتیں سال ءَ پد دیمروئی کتگیں ملک جوڑ بیت۔ مارا پہ اے کار ءَ سک باز محنت کنگی اِنت۔ رانا مشہود احمد خان ءَ را پیداواری روزگار ءِ ذمہ واری داتگ کہ آ ورنا آناں زرعی ءُ صنعتی شوبگ، آئی ٹی ہاؤس، یونیورسٹی ءُ ٹیکنیکل سنٹر آنی تہ ءَ جوانیں تربیت بہ دنت ءُ پدا آھاں روزگار بہ دنت۔ مزن وزیر ءَ گوشت کہ ما وتی ھرچ ءُ درچ ءَ را کم کن ایں بلے پاکستان ءِ ورنا آناں جوانیں ٹریننگ ءِ پھجاری ءَ را دل یکیمی کن ایں ۔ مئے تربیتی مراکزاں شرتریں ٹرینر بہ بنت۔ ورناہ مئے اثاثہ انت، ما آہاں گوں جوانیں مہارتاں کارمرز کنیں۔ما ہنرمندیں ورنا آنی وسیلگ ءَ ملک ءِ آیوکیں باندات ءَ را دراج جوڑ کن ایں ۔ مزن وزیر ئَ گوشت کہ اے پورٹل ئِ وسیلگ ئَ صوبگ آنی گوما ھمکوپگی ئَ وسیلگ آنی پُجاری ئَ دل یکیمی کنگ بیت۔ مزن وزیر ءَ گوشت کہ 77سال ءِ تہ ءَ مئے وام آنی تہ ءَ سک باز گیشی بوتگ۔ منی دعا اِنت کہ آئی ایم ایف ءِ انوگیں پروگرام ملک ءِ راجدپتر ءِ گڈی پروگرام بہ بیت پرچا کہ آئی ایم ایف ءِ پروگرام راجاں دیمروئی نہ کن اَنت بلکیں اقتصادی اشاریہ آں استحکام دنت ءُ اے استحکام پاکستان ءَ اتکگ۔ آئی ایم ایف ءِ گوما سٹاف ءِ تک ءَ تپاکی بوتگ ۔ یک ارب ڈالر ءِ آیوکیں بھر مئی ءَ آئی ایم ایف ءِ بورڈ آف گورنرز ءِ دیوان ءَ منظور کنگ بیت۔ ورناہاں اے قرضہ ءِ زند ءَ شرپ ءِ زند ءَ بدل کنگی اِنت۔ کسان، صنعت کار، ءُ ورناہاں معاشی لحاظ ءَ توانمند کنگ بہ بیت۔ من داں گڈسر ءَ تئی حقانی جنگ ءَ برجاہ داراں ءُ راج ءَ چہ واماں آجو کنگ ءِ ھاترا وتی وس ءُ واک ءَ کار کناں۔ من پاکستان ءِ ھزمت ءَ یک چاکر ءِ بستار ءَ برجاہ دار آں ۔ مارا وتی پیداوار ءُ برآمدات ءَ را گیش کنگ لوٹیت دانکہ قرضہ ءَ چہ رکّینگ بہ بیت۔ ارباں کلدار ءِ کیس آمیدگس ءُ ٹربیونلاں زیر التوا انت۔ ایوک ءَ سندھ ہائی کورٹ ءِ نیمگ ءَ چہ ریسٹرنگ آرڈر ءِ جاری کنگ ءِ آسر ءَ راجی خزانہ ءَ 23ارب کلدار جم کنگ بوتگ۔ ھمے رنگ ءَ لاہور ہائی کورٹ ءَ ھم 11 ارب کلدار ءِ کیس ءِ تہ ءَ ریسٹرنگ آرڈر جاری کتگ ۔ ان شاء اللہ ما پاکستان ءَ پاد آیگ ءِ واستا شپ ءُ روچ محنت کنیں۔ ایشی ءَ چہ پیسر مراگش ءَ گشتانک دیان ءَ مزن وزیر ورنا پروگرام ءِ چیئرمین رانا مشہود احمد خان ءَ گوشت کہ چاگرد ھما وھد ءَ دیم ءَ روت کہ میرٹ ءَ را اولی رنگ دیگ بہ بیت۔ اے پاکستان ءَ وتی رنگ ءِ اولی پورٹل بیت۔ مزن وزیر ءَ معیشت ءَ را راستیں کشک ءَ ایر کتگ۔ راج ءِ پدا جوڑ کنگ ءِ کار بندات بوھگ ءَ اِنت۔ ڈیجیٹل ہب ءِ وسیلگ ءَ ورنا اسکالرشپ، اسپورٹس، آئی ٹی، سیل ءُ سواد، سبز معیشت، ءُ دگہ شعبہ آں چہ فائدہ چست کنگ ءِ اہل بنت۔ شہباز شریف یک انچیں رہشونے کہ ہر پڑ ءَ ورنا آں توانمند کنگ لوٹیت۔ مراگش ءَ گشتانک دیان ءَ یونیسیف پاکستان ءِ آفیسر انچارج شرمیلا رسول ءَ گوشت کہ اے ڈیجیٹل حب موہ ءَ چہ پُر اِنت۔ پاکستان ءِ ورنا باصلاحیت انت ۔ پاکستان یک مھکمیں ملکے ءِ رنگ ءَ دیم ءَ کیت۔ ورنا آناں توانمند کنگ ءِ واستہ موثر گامگیج ءُ بنیاتی اصلاحات المی انت۔ گلوبل سیمی کنڈکٹر گروپ ءِ چیئرمین نوید شیروانی ءَ مراگش ءَ گوں گشتانک دیان ءَ گوشت کہ دگنیا ءَ گوں ترندی ءَ بدلی آرگ بوھگ ءَ انت ءُ آرٹیفیشل انٹیلی جنس ءُ نوکیں ٹیکنالوجی ءِ ٹرینڈ ءَ گوں ترندی ءَ گوں دیمروئی کنگ ءَ انت۔ ورنا آنی واستہ سازگاریں چاگرد ءِ پجارینگ ءِ ضلورت اِنت۔ پاکستان ءِ ہر شہری ءِ موہ یک پیم ءَ بہ بنت۔ اقوام متحدہ ءِ ریزیڈنٹ کوآرڈینیٹر محمد یحییٰ ءَ گوشت کہ ڈیجیٹل یوتھ ہب ءِ پلیٹ فارم ورنا آنی توانائی ءَ را پدر کنگ ءِ واستہ جوڑ کنگ بوتگ۔ یوتھ ہب ءِ تہ ءَ بازیں موہ آنی وسیلگ بیت، ایشی ءِ تہ ءَ قیادت ءِ پروگرام ءُ چاگردی رکھینگ ءِ گامگیج ھوار اَنت۔ اے پاکستان ءِ نوکیں باھوٹ ءِ لانچنگ پیڈ اِنت۔ پاکستان ورناہانی ملک اِنت، ایشی ءِ 64 درسد آبادی 30 سال ءَ کم اِنت، اے ورنا بدلی ءِ زور ءُ دیمروئی ءِ وسیلہ اَنت۔ ڈیجیٹل یوتھ ہب پاکستان ءَ آباد، مھکم ءُ دیمروئی کتگیں سفر ءِ بنگیج اِنت۔ اے ایوک ءَ یک ویب سائیٹے یا ایپے نہ اِنت بلکیں یک سرجمیں ماحولیاتی نظامے اِنت۔
