اسلا م آباد۔ 27مارچ (اے پی پی) بنجائی وزیر داخلہ محسن نقوی بلوچستان نا علاقہ کلمت اٹی بس آن دڑفسا مسافر آتیا سم کاری نا است ہسون واقعہ نا مذمت کرساپارینے کہ دہشت گرد آک لغوری کارروائی کرسا کودک مخلوق ءِ شست کریر، بے گناہ بندغ آتے ناحق کسفنگ انسانیت سوز ڈوہ اسے۔ پنچ شنبے نادے آ وزیرداخلہ محسن نقوی تینا بیان اٹی سم کاری آن 5 بندغ آتا زوال کننگ نا واقعہ غا است ہسونی نا درشانی ءِ کرے۔ وزیرداخلہ محسن نقوی نا زوال کروک آ بندغ آتا خاہوت تون دلی ہمدردی و ہڑزخواہی نا درشانی ءِ کرے۔ اونا پاننگ ئس کہ شناخت کرسا مسافر آتے شست کننگ بربریت و درندگی اسے۔ زوال کروک آ بندغ آتا خاہوت آتا غم اٹی بریبر نا شریک اُن۔ داوڑنا لغوری کارروائیک قوم انا دہشت گردی نا برخلاف پکاعزم ءِ نزور کننگ کپسہ۔
