کوئٹہ۔ 27 مارچ (اے پی پی) وزیراعلیٰ بلوچستان میر سرفراز بگٹی نا کلمت اٹی دہشت گردی نا واقعہ نا مذمت ءِ کرساپارینے کہ بے گناہ کودک مسافر آتے بس آن دڑفسا درستی راستی نا بنداو آ کسفنگ گندہ و لغوری کارروائی اسے۔ وزیراعلیٰ ہاؤس آن جاری کروک بیان اٹی اوپارے کہ دہشت گرد آک کودک و بے گناہ شاری تے شست کرسا وحشیانہ فعل اس انجام تسنو ودرستی راستی آن پد مسافر آتے کسفنگ درندگی و ناقابل معافی ڈوہ اسے ، دہشت گردی نا برخلاف قوم انا بدل مفروک عزم ءِ داوڑنا کارروائی تے اٹ نزور کننگ مفک، زوال کروک آ بندغ آتا خاہوت آتا غم اٹی بریبرنا شریک اُن۔ وزیراعلیٰ بلوچستان میر سرفراز بگٹی پارے کہ ہارڈ کور دہشت گرد آتا برخلاف پبی جنگ برجاسلک۔ اوفتے منطفی ایسر اسکان سرکینہ و دہشت گرد آک بلوچستان نا روایت، مہمانداری و امن پسندی ءِ پامال کریر، سیاسی مسخت آتیکن برانز و دھرنانہ غاتا کال تروک آک جلہو آتیا انت اکن چُپ ءُ۔ اوپارے کہ بے گناہ مزور آتا کسفنگ آ معنی خیز خاموشی تخوک آک دیر انا مخ تفی ءِ کننگ ءُ، خاموشی ءِ رضامندی تکنگک، د ا پک مننگ ءِ کہ دیر اس دِنا کمکار ءِ۔
