اسلام آباد۔ 27مارچ (اے پی پی) صدر مملکت آصف علی زرداری گوادر نا علاقہ کلمت اٹی سلہہ بند بندغ آتا سم کاری نا واقعہ نا مذمت ءِ کرسا پارینے کہ دہشت گرد آک ملک انا شونداری و صوبہ نا شونہالی نا دشمن ءُ، دا بلوچستان ءِ شون ہلسا ہُننگ خواپسہ۔ پنچ شنبے نادے آ یوان ءِ صدر نا پریس ونگ آن جاری بیان نا رداٹ صدر مملکت دہشت گرد آتا جلہو اٹی نہادی جونی نسخان آ است ہسونی نا درشانی ءِ کرے۔ صدر مملکت واقعہ ٹی زوال کروک آ بندغ آتا خاہوت آتون ہڑزخواہی نا ہم درشانی ءِ کرے۔ اوپارے کہ دہشت گرد آک ملکی شونداری و صوبہ نا شونہالی نا دشمن ءُ ۔ دہشت گردآک بلوچستان ءِ شونداری کرسا ہُننگ خواپسہ۔ صدر مملکت جلہو اٹی ٹھپی بندغ آتا زوت دراخ جوڑی و زوال کروک آ بندغ آتیکن درجہ غاتا بڑزی،خاہوت کن صبر وجمیل نا دعاکرے۔
