اسلام آباد۔ 27مارچ (اے پی پی) وزیراعظم محمد شہباز شریف کلمت اٹی مسافر آتیا سم کاری نا واقعہ نا ترند انگا لوز آتیٹی مذمت ءِ کرسا پارینے کہ شرپسند زموار آک بلوچستان نا امن و شونداری نا دشمن ءُ۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ وزیراعظم واقعہ ٹی 5 بندغ آتا زوال کننگ آ ڈکھیائی نا درشانی ءِ کرے۔ وزیراعظم زوال کروک آ بندغ آتا درجہ غاتا بڑزی و خاہوت کن صبر وجمیل نا دعاکرے، اوواقعہ ٹی ٹھپی مروک آ بندغ آتے گچین طبی آسراتی فراوان کننگ، واقعہ نا جاست وپاست ءِ کرسا زموار آتا تعین و قرارواقعی سزاءِ پک کننگ نا ہم پارت کرے ۔ وزیراعظم پارے کہ شرپسند زموار آک بلوچستان نا امن و شونداری نا دشمن ءُ، کودک مخلوق نا برخلاف شرپسند زموار آتا ملک دشمن عزم ءِ اسُل سرسہب مننگ کن اِلیپنہ۔
