لاہور۔ 26 مارچ (ا ے پی پی) پاکستانی فوڈ ایکسپورٹرآتا ڈل سعودی عرب نا اسہ تُو انا سرسہب دورہ غان پد سرمس۔ ڈل انا سروک و کوآرڈی نیٹر بنجائی خراج محتسب سیف الرحمان چارشنبے نادے آ داڑے اسہ بیان اسے ٹی پارے کہ دادورہ نا مسخت ہڑتوم آ کنڈآتا واپاری تعلقداری تے سوگو کننگ، برآمد آتا پوسکن وارخوہی پٹنگ و سعودی مارکیٹ اٹی مون تروک چیلنج آتون مون تننگ نا کسر پٹنگ ئس۔ ڈل بھلو کچ اسے ٹی بزنس ٹو بزنس اوڑدہی کرے و سعودی کارپوریٹ سیکٹر تون چندی اہم ایم اویوو پاکستانی برآمد کنندگان و سعودی فرم آتا نیام اٹ شریداری (پارٹنر شپس)آ دستخط کرے۔ ڈل سعودی درآمد آتے متنوع کننگ کن سعودی عرب نا ویژن 2030نا ہدف آتا رداٹ پاکستانی فوڈ پراڈکٹس خاص وڑاٹ اسنیکس و اسیسڈ فوڈز انا ودوک آ خواست ءِ تالا ن کرے۔ سیف الرحمان دادورہ ءِ پاکستان نا غذائی برآمد آتے ودفنگ اٹ اہم مزل نا نشان گوندسا پارے کہ داڑآن ہڑتوم آ کنڈآتا کمکاری ، مارکیٹ اسکان رسینگ و اقتصادی کمکاری نا مون آ دننگ نا پوسکن ءُ کسر ملنگک۔ ڈل انا کوشست آتیان پاکستان نا برآمد آتیٹی ودکی و سعودی عرب تون مریس مدی اقتصادی تعلقداری ءِ مون آ دننگ اٹ کمک رسینگک۔
