بواؤ۔ 26مارچ (اے پی پی) بنجائی وزیر خزانہ و محصولات سینیٹر محمد اورنگزیب جوان جہانی زرگزران اٹ مزاحم غیر منصفانہ واپاری وڑوڈول و مارکیٹ اسکان رسینگ اٹ اڑاند آتے مر کننگ آ زور شاغسا پارینے کہ جوان جہانی زرگزران گچین کاری آخا گرج ءِ، پاکستان، دُن کہ بھاز انگا پدتموک ملک، ہندن عالمگیریت نا ماڈل اس خواہک ہرا منصفانہ واپار، پائیدار شونداری، و منصفانہ مالیاتی نظام ءِ مون آ دیر ۔ چارشنبے نادے آ داخیال آتا درشانی ءِ او بواؤ فورم ایشیاسالانہ کانفرنس 2025آن تران کرساکرے۔ وزیرخزانہ غٹ اکن جوان جہانی زرگزران کن کسر و گام گیج آتا سرحال آ اہم تران کرے و دا بابت اہم امور ءِ مون آ تخا۔ او منصفانہ مارکیٹ اسکان رسینگ، علاقائی رابطہ غاتیٹی ودکی و جوان جہانی زرگزران نا مون آ دننگ کن سوگو کثیر الجہتی کمکاری نا گرج آ زور شاغا۔ وزیرخزانہ پارے کہ جوان جہانی زرگزران اٹی مزاحم غیر منصفانہ واپاری طریقہ ہائے کار و مارکیٹ اسکان رسینگ اٹ اڑاند آتے مرکننگ نا گرج ءِ۔
