جدہ۔ 26 مارچ (اے پی پی) بنجائی وزیر مذہبی امور و بین المذاہب ہم گرنچی سردار محمد یوسف سعودی وزیر حج و عمرہ ڈاکٹرتوفیق بن فوزان الربیعہ تون اوڑدہی کرے ہراٹی حج اتون اوار تین پہ تینی است خواہی نا ایلو امور نا بارواٹی گپ وتران کننگا۔ چارشنبے نادے آ ترجمان مذہبی امور نا رداٹ سعودی وزیر وزارت مذہبی امور نا قلمدان ءِ سنبھالنگ آ سردار محمد یوسف ءِ مبارکبادی تس، اوڑدہی ٹی حاجی و عمرہ زائر آتیکن آسراتی و روڈ ٹو مکہ ڈٹ انا دنگ ءِ پاکستان نا ایلو شار تسکان تالان کننگ نا بابت گپ وتران کننگا۔ سردار محمد یوسف تینا سعودی ہم منصب تون گپ وتران کرسا پارے کہ حاجی تے گچین آسراتی فراوان کننگ آفرمانرواشاہ سلمان بن عبدالعزیز و ولی عہد شہزادہ محمد بن سلمان ءِ خراج تحسین پیش کیوہ، پاکستان وسعودی عرب نا تعلقداری اسیجائی عقیدہ، تاریخ و دودوربیدہ غا استوار ءِ۔ سعودی وزیر حج پارے کہ ہرسال پاکستان آن حاجی تا بھلو کچ سعودی عرب بریک، اوفتا خذمت ءِ کننگ شرفمندی اسے۔ سردار محمد یوسف سعودی ہم منصب تون حاجی تا رجسٹریشن نا ویل آتیا گپ وتران کرے ہراڑآ او اولیتی بنداو آ پاکستانی حاجی تا ویل آتے ایسر کرفنگ نا باوری کرفے۔

متعلقہ مضامینمصنف کی طرف سے مزید