اسلام آباد۔ 26 مارچ (اے پی پی) وزیراعظم نا فوکل پرسن انسدادِ پولیو عائشہ رضافاروق پولیو مہم اٹی ساڑی خامی تے مر کننگ و ہرچنانا ویکسی نیشن ءِ پک کننگ نا پارت کرینے۔ وزارت جان جوڑی آن جاری بیان نا رداٹ داپارت آتے او تینا کماشی ٹی نیشنل پولیو مینجمنٹ ٹیم انا بڑزکو کہولی دیوان اٹی تس۔ دیوان اٹی اپریل و مئی نا مچ آملک پولیو مہم نا تیاری تا جاچ ءِ ہلنگا۔ دیوان اٹی قومی و صوبائی کوآرڈی نیٹر ز و جہانی شریدار آتا نمائندہ غاک بشخ ہلکر۔ داوخت آ عائشہ رضافاروق پولیو مہم اٹی ساڑی خامی تے مرکننگ و ہرچناتا ویکسی نیشن ءِ پک کننگ نا پارت کرے و پارے کہ پولیو دین انا تالانی ءِ توننگ کن اپریل و مئی نا مہم آتے پین گچین کننگے۔ عائشہ رضافاروق پارت کرے کہ اسہ چناس ہم بروک آ پولیو مہم اٹی ویکسین آن محروم سلپ۔ پولیو نا چٹفنگ کن ہرکہول آ اسیجائی حکمت عملی تیار کننگے۔
