اسلام آباد۔ 25 مارچ (اے پی پی) وزیراعظم نا خصوصی کمکار ہارون اختر خان پارینے کہ چنکا و نیامی درجہ نا کاروبار ءِ مون آ دننگ نا ادارہ سمیڈاکن اسہ پوسکن ءُ آپریشنل ماڈل اس تیار کننگ انگ ءِ۔ اوداہیت ءِ سے شنبے نادے آ داڑے بڑزکو کہول انا دیوان نا کماشی ءِ کرساپارے ہراٹی سمال اینڈ میڈیم انٹرپرائزز ڈویلپمنٹ اتھارٹی (سمیڈا) نا پنجر نا اول سرآن ترتیب آ سجفنگا۔ دا جاچ انا بنداوی مسخت نجی بشخ انا کڑد ءِ ودفنگ و پاکستان اٹ کاروباری چاگڑد ءِ گچین کننگ ئس۔ دیوان اٹی داہیت آ زور شاغنگا کہ ایس ایم ای ڈی اے نا سرجزآتیٹی السی بشخ انا مداخلت ءِ کم کننگے تانکہ نجی بشخ انا شریدار آتے زیات متحرک و تواجہ کڑد ادا کننگ نا موقع ملنگ کے۔ دیوان اٹی داہیت آ امنا کننگاکہ نجی بشخ ایس ایم ای نا شونداری ٹی اہم کڑد ادا کننگ کیک، و داڑکن السی نیام تمنگ ءِ کمکرسا ایس ایم ای ڈی اے کن اسہ پائیدار کمکاری نظام اس جوڑ کننگ المی ءِ، تانکہ ادارہ مریس مدی بنداوتیا فعال مننگ کے۔ پاکستان نا اسٹیٹ بینک آن ایس ایم ای فنانسنگ نا بابت چیلنج آتیا سٹریٹجک سلابت آہم گپ وتران مس، و اسہ عملی و نتیجہ غاتیا تالان فنانسنگ حکمت عملی نا تیاری آ زور شاغنگا ۔ ایس ایم ای ڈی اے کن اسہ پوسکن ءُ آپریشنل ماڈل اس تیار کننگ انگ ءِ، ہرادے پنچ سال انا جوان سٹریٹجک فریم ورک انا کمک دوئی ءِ۔ دا ماڈل ایس ایم ای ڈی اے نا سرجزآتے مارکیٹ نا گرج آتا رداٹ کننگ و ادارہ نا گچین کارکڑد ءِ پک کننگ کن جوڑ کننگ انگ ءِ۔ دیوان اٹی داہیت آ امنا کننگاکہ نجی بشخ انا زیات شمولیت و ایس ایم ای ڈی اے نا پنجراٹی اصلاحات آن مچ آملک اٹی چنکا و نیامی درجہ نا کاروبارتا شونداری ٹی کمک رسینگک۔ دا بدلی تیٹی کاروباری چاگڑد گچین مریک و پوسکن وارخواہی ودی مریک۔
