اسلام آباد۔ 25 مارچ (اے پی پی) وزیر مملکت جان جوڑی ڈاکٹر مختاراحمد بھرتھ پارینے کہ بنداوی و طبی آسراتی اسکان الس نا رسینگ ءِ پک کننگ انگ ءِ، خلقی علاقہ غاتیٹی رکھی ٹیکہ جات کن عملہ نا کمتی ءِ پورو کننگ کن ویکسینیٹر آتا بھرتی ءِ پک کننگ انگ ءِ۔ داخیال آتا درشانی ءِ او ڈی ایچ او سی ڈی اے و راولپنڈی نا کمامدارآتا دیوان اٹی گپ وتران کرساکرے۔ دیوا ن اٹی رکھی ٹیکہ جات نا کوریج و کروک آ گام گیج آتا جاچ ءِ ہلنگا۔ دیوان اٹی ڈاکٹر مختار احمد بھرتھ پارے کہ بنداوی و طبی آسراتی اسکان الس نا رسینگ ءِ پک کیر۔اوپارے کہ ڈسٹرکٹ ہیلتھ آفس اسلام آباد کیپٹل و راولپنڈی نا انتظامیہ طبی آسراتی تا فراوانی ءِ پک کیر۔ اوپارے کہ بنداوی جان جوڑی ہند خلقی جان جوڑی ہند و کمیونٹی ہیلتھ سینٹرآتیکن اسہ درجہ بندی اسے نا نظام ءِ درستی راستی کرفر۔ اوپارے کہ ہڑدے ئی بنداو آ حقی وخت اٹی پدریسہ رپورٹنگ ءِ پک کیر۔ ڈی ایچ او آئی سی ٹی ڈسٹرکٹ ہیلتھ انفارمینجمنٹ ءِ ودفر۔ اپریل 2025اٹی مروک آ بی سی یو مہم آن مست ویکسینیٹر آتا جوان دوئی ءِ پک کیر۔ خلقی علاقہ غاتیٹی رکھی ٹیکہ جات کن عملہ نا کمتی ءِ پورو کننگ کن ویکسینیٹر آتا بھرتی ءِ پک کیر۔ اوپارے کہ رکھی ٹیکہ جات ناکوریج ءِ سد درسد پک کیر۔ سی ڈی اے نا کنڈآن علاقہ غاتیٹی طبی آسراتی نا فراوانی کن جوان گام گیج جوڑ کیر۔ سی ڈی اے نا کنڈآن علاقہ ڈی ایچ او آئی سی ٹی باقاعدہ طبی کیمپ اس اڈ ایتک۔ اوپارے کہ ڈی ایچ او آئی سی ٹی، سی ڈی اے و ایلو تعلقدار ادارہ غاک اسیجائی گام گیج آتا کمک اٹ طبی آسراتی فراوان کیر۔
