اسلام آباد-25 مارچ(اے پی پی) : راجی اسمبلی ءِ اسپیکر سردار ایاز صادق ءَ ایسوسی ایٹڈ پریس آف پاکستان ءِ ایمپلائیز یونین ءِ گچین کاری ءَ عادل شاہین الائنس ءِ نوکیں گچین بوتگیں اگدہ دار آناں مبارک بات داتگ۔ راجی اسمبلی ءِ صدر ءَ وتی مبارکی کلوہ ءِ تہ ءَ نوک گچین بوتگیں صدر ءُ کلا نہ ایں اھوالکار طارق محمود چوہدری، سیکرٹری محمد قاسم، سیکرٹری خزانہ طاہر ندیم، پریس سیکرٹری صنم جونیجو، جوائنٹ سیکرٹری نصیر الہی ءُ مدثر الحسن، ءُ توامیں ایگزیکٹو ممرز آناں سوبمند بوھگ ءِ پد ءَ مبارک بات دات۔ آئی ءَ اے امیت سہرا کت کہ نوک گچین بوتگیں باسک کارندہ آنی بیسہ آناں پیلو کنگ انت ءُ جیڈھ آناں گیواری کنگ ءِ پڑ ءَ جوانیں کرد پیلو کن اَنت۔ سردار ایاز صادق ءَ گوشت کہ گچین کاری ءِ عمل ءَ سوبین بوھگ ءَ پد مزدور آنی نیمگ ءَ داتگیں مینڈیٹ ءِ شرپ کنگ جمہوری لوٹ انت۔ آئی ءَ اے گپ ءِ سر ءَ زور پر دات کہ ملک ءَ جمہوری روایات ءِ دیمروئی ءِ واستہ ھمک مردم یکجائی ءَ کار کنگ لوٹ ایت تانکہ الس ءِ جیڈھ آناں گیش ءُ گیوار کنگ بہ بنت۔
