اسلام آباد۔24مارچ (اے پی پی): اینگرو کارپوریشن ءِ چیئرمین حسین داؤد ءَ مزن وزیر ءِ صنعت ءُ پیداوار ءِ باروا ھاسیں کمکار ہارون اختر خان ءَ گوں گند ءُ نند کتگ۔ گند ءُ نند ءَ بزنس کمیونٹی ءِ یقین بحال کنگ ءُ پاکستان ءَ کاروبار کنگ ءَ را آسان کنگ ءِ بابت ءَ گپ ءُ تران کنگ بوت۔ وزارت صنعت ءُ پیداوار ءِ نیمگ ءَ جاڑی بوتگیں بیان ءِ رد ءَ ھارون اختر خان ءَ اے گپ ءِ سر ءَ زور پر دات کہ مزنیں کساس ءَ صنعتی پیداوار ءِ جیڈھ آناں گیواری ءِ واستہ پرائیویٹ سیکٹر ءِ گوما کمک المی اِنت۔ سرمایہ کاری ءِ دیمروئی ءُ صنعتی دیمروئی ءِ واستہ سازگاریں چاگرد ءِ جوڑ کنگ ءِ واستہ حکومت ءِ برجاھیں کوشست آنی سر ءَ چمشانک دیان ءَ آئی ءَ گوشت کہ حکومت سرمایہ کاری ءِ دیمروئی ءُ مھکمیں اقتصادی دیمروئی ءَ را دل یکیمی کنگ ءِ واستہ ھرچ وڑیں گامگیج چست کنگ ءَ اِنت۔ گند ءُ نند ءَ اقتصادی دیمروئی ءَ را ترند کنگ ءِ واستہ مزنیں کساس ءَ ادارگی سرمایہ کاری ءُ جندی شعبہ ءِ فعال بھر زوری ءِ سر ءَ زور پر دات۔ ہارون اختر خان ءَ گیش گوشت کہ پاکستان ءَ کاروبار ءِ کارروائی آناں آسان کنگ ءُ کاروبار ءِ آسراتی ءَ را گہتر کنگ ءِ مول ءُ مراد ءَ ون ونڈو آسراتی مرکز جوڑ کنگ بوھگ ءَ اِنت حسین داؤد ءَ حکومت ءِ کاروبار دوستیں گامگیج آنی سر ءَ دل یکیمی ءِ درشانی کت ءُ گوشت کہ اے گامگیج آنی وسیلگ ءَ کاروباری چاگرد ءَ را گہتری کیت۔ گند ءُ نند ءِ گڈ ءَ ہارون اختر خان ءَ گوشت کہ صنعتی دیمروئی ءِ واستہ سرکاری ءُ جندی شریکداری وھد ءِ ضلورت انت۔
